Әһли Беjт (әлеjһимус-сәлам) - АБНА – Хәбәр Аҝентлиjинин вердиjи хәбәрә әсасән, Иран Ислам Шура Мәҹлисинин (парламент) Милли тәһлүкәсизлик комиссиjасы АБШ-ын ИИР-а гаршы jени санксиjалары илә мүбаризәjә даир ганун лаjиһәсини гәбул едиб.
“Фарс’ аҝентлиjинин вердиjи мәлумата ҝөрә, комиссиjанын сөзчүсү Һүсеjин Нәгәви хариҹи ишләр назиринин мүавинләри Аббас Әрагчы вә Һәсән Кашкави илә фөвгәладә топланты кечирдикләрини билдириб.
Топлантыда АБШ Конгресинин иjулун 27-дә гәбул етдиjи санксиjа гәрары вә Иран Ислам Республикасынын атаҹағы ҹаваб аддымлары барәдә мүзакирә апарылыб.
Мүзакирәләрдән сонра Милли тәһлүкәсизлик комиссиjасы АБШ-ын санксиjалары илә мүбаризәни нәзәрдә тутан ганун лаjиһәсини гәбул едиб.
Хариҹи ишләр назиринин мүавини Аббас Әрагчы “Фарс” аҝентлиjинә ачыгламасында билдириб ки, АБШ ИИР-а гаршы jени санксиjа гәрары илә Теһранла “Алтылығ”-ын арасында әлдә едилән нүвә разылашмасынын 26, 28 вә 29-ҹу маддәләрини позуб.
А. Әрагчы Иран Ислам Республикасынын АБШ-а мүтләг ҹаваб верәҹәjини бәjан едиб.
Диггәт: Хәбәрдән истифадә етдикдә мәнбәjә истинад лазымдыр
