Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн ијунун 19-да әлијевләр режими тәрәфиндән шәрләнән Шиә руһаниси, Гурани Кәрим Һафизи Һөҹҹәтүл Ислам Зүлфүгар Микајылов, Һафизи Һөҹҹәтүл Ислам Сејјид Елман Ағајев, Һафизи Һөҹҹәтүл Ислам Рамил Сејфуллајев, Һафизи Һөҹҹәтүл Ислам Рузи Исмајылов, дини фәал Фаиг Аллаһвердијев, Меһман Гулијев, Меһман Мәммәдов, Елдар Бүнјатов, Елхан Һәсәнов, Мүбариз Ибраһимов, Әли Һүсејнов вә Ҹабир Әлијевин гурама ҹинајәт иши үзрә гондарма мәһкәмә иҹласы давам едиб.
Әдаләтсиз һаким Зејнал Ағајевин сәдрлик етдији просесдә “шаһид гисминдә” Ҝәнҹә шәһәри Низами Рајон полис идарәсинин үнсүрләри ифадә вериб. Онлар тәгсирләндирилән дини фәал Мүбариз Ибраһимов вә руһани Һөҹҹәтүл Ислам Рузи Исмајыловун сахланмасы барәдә данышыблар.
“Шаһид” Самир Гулијев дахил олмуш әмәлијјат мәлуматы әсасында апардыглары ахтарыш нәтиҹәсиндә Рузи Исмајыловун машынында гумбара вә ҝүллә ашкар еләдикләрини билдириб. Онун сөзләринә ҝөрә, әмәлијјат заманы Рузи Исмајылов мүгавимәт ҝөстәриб вә полисләрдән бирини вуруб. Зәрбә нәтиҹәсиндә һәмин полис әмәкдашы бир аја јахын кома вәзијјәтиндә галыб. Һөҹҹәтүл Ислам Рузи Исмајылов дејиләнләри тәкзиб едәрәк, бунун мүмкүнсүз олдуғуну дејиб:
"Һәмин һадисәдән сонра ушаглар мәнә "Рембо" ләгәби вердиләр. Ҝуја мәним зәрбәмлә полис бир аја јахын комада галыб. Һалбуки һәмин ҝүн мәним башыма гара торба кечирәрәк, террорчулар кими әлимархадан бағлы машына миндирдиләр"
Дини фәал Мүбариз Гулијев дејиб ки, сахланылан заман онун үзәриндә 800 манат пул олуб. Истинтаг мәлуматында исә 52 манат гејд олунуб.
Даһа сонра ишверән полис үнсүрү Тејмур Тејмурәлијев ифадә вериб. О, әмәлијјатын ахшам саатларында һәјата кечирилдијини дејиб. Вәкил Шәһла Һүмбәтова она суал үнванлајыб:
"Истинтаг мәлуматларында Мүбариз Гулијевин 20:00-да сахланылдығы, 20:10-да артыг ондан 5 сәһифәлик изаһат алындығы, вәкил чағырылдығы вә һал шаһидләринин дәвәт олундуғу билдирилир. Бүтүн бунлары 10 дәгигәнин ичиндә неҹә етмисиз?"
“Шаһид” вәкилин суалына "билмирәм" дејә ҹаваб вериб.
Вәкил билдирилиб ки, тәгсирләндирилән бир нечә саат әввәл сахланылыб, садәҹә һәмин саатларда она ишҝәнҹә верилиб.
Даһа сонра Мүбариз Гулијев шаһидә мүраҹиәт едиб: "Үзүмүн түкү сәнә лазым иди? Нијә јолдум үзүмүн түкүн?"
“Шаһид” онун сөзләрини тәкзиб едиб. Мүбариз Ибраһимов оруҹ олдуғуну, Рамазан ајында јаланчыја Аллаһдан ләнәт арзуладығыны дејиб:
"Јалан дејирсән. Мәни дизүстә сүрүндүрүрдүн. Аллаһ јалан дејәнә ләнәт еләсин"
Нөвбәти просес ајын 22-ә тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
