Әһли Бејт (әлејһимус-сәлам) - АБНА – Хәбәр Аҝентлији- 26 нојабр 2015-ҹи илдә Азәрбајҹанда икинҹи Кәрбәла һадисәси баш верди. Ҹәмјјәт нөвбәти полис өзбашыналығынын шаһиди олду. Белә ки, ДИН Баш Мүтәшәккил Ҹинајәткарлыгла Мүбаризә Идарәсинин әмәкдашлары Нардаран кәндиндә мөминләрә намаз гылан вахтда атәш ачды. Динҹ әһалијә һүҹум чәкди, 6 нәфәр вәтәндашымызы шәһид етди, дөрд нәфәр һадисә јериндә намаз гылан вәтәндашы, 2 нәфәр дә мөмин полис јолдашларыны ҝүлләләдиләр. Јердә галанлара, хүсусән дәјәрли алим Һаҹы Тале Бағырзадәјә шиддәтли ишҝәнҹәләр верәрәк һәбс етдиләр. Бир нечә ҝүн сонра да һәбсләр башлады. Үмумиликдә бу полис зоракылығында 70-дән чох динҹ ҝүнаһсыз вәтәндашлара ағыр маддәләрлә ҹинајәт иши ачылды.
Сөзсүз ки, бу һадисә өзү-өзлүјүндә хош һадисә дејилди. Халга, мөминләрә гаршы террор иди. Амма бу һадисәнин мүсбәт тәрәфләри дә мөвҹуддур. Бу мәгамлара бирликдә нәзәр салаг:
Бизә гаршы террор төрәдилди
1. Нардаран һадисәсиндә бир даһа һамымыз шаһид олдуг ки, өлкәдә гәтијјән сөз вә фикир азадлығы јохдур;
Һеч кимә сирр дејил ки, һакимијјәт Нардаран һадисәсини дәјәрли алим Тале Бағырзадәнин чыхышларына ҝөрә төрәтди. Бу, әввәлҹәдән һазырланмыш бир ссенари иди.
Тале Бағырзадәнин 3-ҹү дәфә һәбси үчүн гурулмуш бир план иди.
Тале Бағырзадә өз чыхышларында өлкәдәки иҹтимаи-сосиал мәсәләләри тәһлил едир вә мәмур өзбашыналыгларынын гаршысынын алынмасынын ваҹиблијиндән данышырды. Һакимијјәт исә өзүнү гүсурсуз билир вә бу тәнгидләри һәзм едә билмирди. Бу, диктаторлара мәхсус тәрздир. Нәтиҹәдә Тале Бағырзадәни узунмүддәтли һәбсә салмаг үчүн бөјүк бир ҹинајәт төрәдилди.
Әлбәттә, бу һадисә бир даһа һакимијјәтин доғру-һагг сөз гаршысында аҹизлијини ҝөстәрди. Һамыја бир даһа аҝаһ олду ки, өлкә Конститусијасында вәтәндашын сөз вә фикир азадлығы кими фундаментал һүгуглары нәзәрдә тутулса да, әслиндә исә бу һүгуглар кобуд сурәтдә позулур. Өлкәдә кәскин диктатура һөкм сүрүр.
2. Нардаран һадисәси бир даһа сүбут етди ки, өлкәдә полис өзбашыналығы вә зоракылығы пик һәддәдир.
ДИН Баш Мүтәшәккил Ҹинајәткарлыгла Мүбаризә Идарәси нашы вә гејри-пешәкар шәкилдә Нардаран кәндинә басгын едәрәк динҹ әһалијә гаршы террор етди.
Силаһланмыш шәкилдә намаз гылан ҹамаата гаршы зоракылыг етдиләр. Санки ермәниләрлә мүһарибәдә идиләр. Гејри-ади полис зиреһли техникалары кәнди мүһасирәјә алмышды. Өзләри төрәтдији ҹинајәт әмәлини елә гәләмә вердиләр ки, санки бунлара гаршы нәсә олуб. Һеч бир әмәлијјат чәкилиши олмадан, һеч бир террор әламәти олмадан, һеч бир гејри-ади һадисә баш вермәдән “биз террорчулары зәрәрсизләшдирдик” дедиләр. Намәрдҹәсинә дедиләр бу сөзләри…
Әлбәттә, бунларын дедикләринә јалныз ахмаглар вә дүшүнҹәсизләр инанды. Шәрәфлиләр инанмады.
Шүбһәсиз, бу һадисә бир даһа тәсдигләди ки, өлкәдә полис анархизми баш вермәкдәдир. Полис һеч бир сәрһәд танымадан әлиндәки сәлаһијјәтдән суи-истифадә едәрәк бу халга ган уддурур. Халгы кобудҹасына ашағылајыр, инсанларын шәрәф вә ләјагәти илә ојнајыр.
3. Нардаран һадисәси бир даһа ачыг-ашкар исбатлады ки, һакимијјәт динлә дүшмәнчилик етмәкдәдир. Һәр вәҹһлә вә һәр фүрсәтдә өлкәдә ислам дининин јајылмасыны мәһдудлашдырмаға чалышыр.
Нардаран кәндинин ҝүнләрлә блокадада сахланылмасы, кәндә зәрури гида васитәләринин бурахылмамасы, хүсуси тәјинатлы гүввәләрин вә зиреһли техникаларын кәндә јеридилмәси, һәбс олунанлара вә өлдүрүләнләрин ҹәсәдләринә верилән ишҝәнҹәләр, кәнддәки Мәһәррәм ајыны әкс етдирән гара бајрагларын вә шүарларын тәһгирамиз шәкилдә мәһв едилмәси, кәнддәки мејданларын сөкүлмәси, дини кәлам вә һәдисләрин силинмәси, кәнддәки зирајәтҝаһын бағланмасы вә диҝәр амансыз һәрәкәтләр ачыг-ашкар ҝөстәрди ки, бу һакимијјәтин имканы олса, бу мәмләкәтдә ислам динини тамамилә јығышдырар вә инанҹлылары ҝүлләләјәр.
Шүбһә јохдур ки, диндә дүшмәнчилик едәнләрин ахыры һәмишә рәзаләт олмушдур. Буну тарих сүбут етмәкдәдир.
4.Нардаран һадисәси ҹәмијјәтимизин диндар-мөмин ҹамеәсинә бир сыра мүсбәт тәсирләр ҝөстәрди
Вәһдәт мөһкәмләнди.
Нардаран һадисәси илк нөвбәдә дини ҹамеәни бөјүк тәәҹҹүбдә бурахды. Белә Һеч ким ҝөзләмирди вә инанмырды ки, мөминләрә вә Нардаран кәндинә бөјүк бөһтан атылсын. Амма бу реаллыг иди – мөминләр бөјүк зүлмә мәруз галмышды. Бу һадисәләр өз-өзлүјүндә дини ҹамеәнин вәһдәтинә, бир-биринә дајаг олмасына, даһа да сых бирлшмәсинә, мадди-мәнәви јардымлашмасынын мөһкәмләнмәсинә сәбәб олду.
Динин мүдафиәсинин әһәмијјәти дәрк олунду.
Мөмин-диндар ҹамеә бир даһа идрак етди ки, Нардаран һадисәси онлара гаршы бөјүк террор вә зоракылыг иди. Мәгсәд дә дини дәјәрләрин зәифләдилмәси вә мөминләрә ҝөз дағы вермәк иди. Амма бу әкс еффект верди. Дини ҹамеә анлады ки, динин, ислами дәјәрләрин горунуб сахланылмасы, мүдафиәси һәр шејдән ваҹибдир. Дини дәјәрләр бизә асанлыгла ҝәлмәјиб вә биз дә бу дәјәрләри асанлыгла гопара билмәрик. Она ҝөрә бу һадисәдән нәтиҹә чыхармаг лазымдыр ки, динин дүшмәнләри вар вә һәр фүрсәтдә бу дәјәрләрин арадан чыхарылмасына чалышырлар. Ҹәмијјәти горхутмаға чалышырлар. Бизсә јалныз Аллаһдан горхмалыјыг, бәндәләрдән јох.
Шәһидләримиз тарихә дүшдү- Кәрбәла һадисәси санки тәкрарланды.
Нардаран һадисәсиндә полис зоракылығына мәруз галан гардашларымыз һагга говушду, шәһид олду. Шаһид олдулар бу зүлмләрә. Онлар диридирләр. Онларын ганлары гијмәтлиди. Бу шәһидләр Азәрбајҹан тарихинә дүшдү. Нардаран кәнди әсилли-көклү бир кәнд олараг, нөвбәти дәфә бу һадисәјә шаһид олду. Намаз үстүндә вурулдулар.
Шәһидләрин сәрвәри Имам Һүсејн (ә) кими.
Бу һадисә бир даһа тәсдигләди ки, тарихдә һагг шәһидләри инсанлыг олдугҹа олаҹагды. Шәһид бир ҹәмијјәтин баш таҹыдыр. “Шәһидләрин ганы ҹәмијјәтин оксиҝенидир” демишдир шәһид Мүртәза Мүтәһәрри.
Нардаран һадисәси һәмчинин һәбс олунанларын вә зоракылыға мәруз галанларын сајы (70-74 нәфәр), кәндин сујунун-чөрәјинин кәсилмәси, амансыз ишҝәнҹәләр, ушаглара вә гадынлара атәшин ачылмасы вә диҝәр мәгамлар сөзүн һәгиги мәнасында Кәрбәла һадисәсини хатырлатды. Һәр ҝүн Ашура, һәр јер Кәрбәла шүары бир даһа бариз ҝөрүрдү. Мәзлумун зүлмә мәруз галдығы ҝүн Ашура, һәмин мәканса Кәрбәладыр. 26 нојабр 2015-ҹи ил тарихи Ашура, Нардаран исә Кәрбәла олду.
5. Хариҹи һүгуг-мүдафиә тәшкилатлары, бејнәлхалг аләм Азәрбајҹан һакимијјәтинин өлкәдә вәтәндашларын һүгуг вә азадлыгларыны кобуд шәкилдә поздуғунун вә кәскин диктатуранын һөкм сүрдүјүнүн бир даһа шаһиди олду.
Азәрбајҹан һакимијјәти бејнәлхалг аләмдә өзүнү там шәффаф бир сијасәт апаран кими ҝөстәрмәјә чалышыр. Өһдәлик ҝөтүрдүјү бејнәлхалг тәшкилатлара мүтәмади олараг сахта һесабатлар верир.
Нардаран һадисәси бир даһа сүбут етди ки, Азәрбајҹан һакимијјәти демократијадан кәнардыр. Хариҹи медиа, бејнәлхалг һүгуг тәшкилатлары һаггын-әдаләтин кимин тәрәфиндә олдуғуну ајдынлашдырды. Һәр кәс билди ки, террорчу кимдир. Террор – динҹ әһалијә һүҹум демәкдир. Бу иши дә Азәрбајҹан һакимијјәти бизә гаршы төрәтди.
Вүсал Надироғлу
Мүсәлман Бирлији Һәрәкатынын Идарә Һејәтинин үзвү
Диггәт: Хәбәрдән истифадә етдикдә мәнбәјә истинад лазымдыр
