Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франса “Милли Ҹәбһәси”нин лидери вә екстримист сағчылар групунун Франса президентлијинә намизәди ханым Марин Лупен Ливана етдији 2 ҝүнлүк сәфәриндә 21 Феврал тарихиндә Мүфти Әзәми илә ҝөрүшдә Һиҹаб тахмагдан бојун гачырараг гапыдан ҝери гајытдыгдан сонра һеч дә онун үчүн Парисдә хош кечмәди.
Белә ки, Франса полиси президентлијә намизәд Марин Лупенин ҹанҝүдәни вә онун рәһбәрлик етдији “Милли ҹәбһә” партијасынын гәрарҝаһ рәһбәрини сахлајыб.
Реутерс вә CNN-нин мәлуматына ҝөрә, Зиерр Леҝиер вә Ҹазерин Грисет полисдә ифадә верирләр.
Онлар Авропа Бирлијинин депутат көмәкчиләри үчүн ајрдығы вәсаитдән дүзҝүн истифадә едилмәмәси илә бағлы истинтаг чәрчивәсиндә сахланыблар.
Бундан әввәл ејни галмагалла бағлы партијанын гәрәрҝаһында да ахтарыш апарылыб.
Гејд едәк ки, сон рәј сорғуларына ҝөрә, апрелин 23-дә кечириләҹәк сечкинин биринҹи мәрһәләсиндә 26 фаиз сәслә Марин Лупен галиб ҝәләҹәк.
Икинҹи јердә 22 фаиз сәслә мүстәгил намизәд Еммануел Макрон, 3-ҹү јердә исә 21 фаиз сәслә мүһавизәкар намизәд Франсуа Фијон ҝәләҹәк.
Амма Макронла Фијонун мајын 7-дә кечириләҹәк икинҹи мәрһәләдә Лупенә галиб ҝәләҹәкләри ҝөзләнилир.
Диггәт: Хәбәрдән истифадә етдикдә мәнбәјә истинад лазымдыр
