Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франса Милли Ҹәбһәсинин лидери вә екстримист сағчылар групунун Франса президентлијинә намизәди ханым Марин Лупен Ливана етдији 2 ҝүнлүк сәфәриндә 21 Феврал тарихиндә Мүфти Әзәми илә ҝөрүшдә Һиҹаб тахмагдан бојун гачырараг гапыдан ҝери гајытды.
Ливан Мүфти Әзәми Шејх Әбдүл Ләтифин медиа үзрә нүмајәндәси Хәлдун Увејс билдириб ки, Һиҹабын бағланмасынын зәрури олмасы өнҹәдән Ханым Лупенин көмәкчиләринә дејилмишдир.
Хәлдун Увејс дејиб: “Мән шәхсән офисин гапысына ҝедәрәк, әлимдә олан ағ рәнҝли өртүјү Марин Лупесә тәгдим етдим, лакин о буну гәбул етмәди вә гапынын ағзындан ҝери дөндү. Мүфти Әзәмлә ҝөрүшдә ханымларын Һиҹаблы олмалары зәруридир.”
Лупен исә, журналистләрә белә дејиб: “Сиз мәним салам вә еһтирамымы Мүфти Әзәмә чатдыра биләрсиниз, амма мән өзүмү өртмәјәҹәјәм.” (!)
Гејд едәк ки, Франса ганунуна әсасән тәһсил оҹагларында Һиҹабла синифдә иштирак етмәк гадағандыр (!). Лупен дә белә бир тәшәббүс ирәли сүрәрәк 2004-ҹү илдә тәсвиб олунан вә иҹтимаи јерләрдә Һиҹабдан вә үмумијјәтлә Дини Атрибутлардан истифадә едилмәси гадаған едилән ганунун иҹра мүддәтинин јенидән артырылмасыны истәмишдир. О, президент сечкиләринин тәблиғатына башлајан ҝүндән артыг бир ајдыр анти-Ислам чыхышлары едир. Вә билдирир ки, президент сечиләҹәји тәгдирдә өлкәдә мөвҹуд олан бүтүн Мәсҹид вә диҝәр Ислам Мәркәзләринин фәалијјәтини дајандыраҹагдыр.
Диггәт: Хәбәрдән истифадә етдикдә мәнбәјә истинад лазымдыр
