Әһлибејт (ә) Хәбәр Аҝентлији-Сосиал шәбәкә сәһифәләрдә јајылан видеода өзүнү ИШИД үзвү олдуғуну билдирән, лакин адыны ачыгламајан шәхс јанында ики Колашников автоматы гојараг өлкә президентинә мүраҹиәт едиб. Һәдә вә тәһгирдолу видеомүраҹиәтдә террорчу өлкәдәки вәһһабиләрин азад едилмәсини тәләб едир. Террорчу 11 сентјабрдан өнҹә АБШ Кәшфијјатында һүҹумла бағлы мәлумат олдуғуну, лакин буну ҹиддијә алмадыгларындан данышыб вә һәдәсинин ҹидди олдуғуну инандырмаға чалышыб. "Зиндандакы мүсәлманлары азад етмәсән, ҝөрәҹәксән нә олаҹаг. Мүсәлман дејәндә шиәләри нәзәрдә тутмурам, Әһлисүннә вәл ҹәмиәдән олан мүсәлманлары (ред: вәһһабиләр өзләринә Әһлисүннә вәл ҹәмиә дејир) нәзәрдә тутурам. Әҝәр онлары азад етмәсән ... јерләрдә террор едәҹәјик.", -дејә террорчу билдирир.
Диггәт!Хәбәрдән истифадә етдикдә мәнәбјә истинад лазымдыр!
