Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Газах рајон сакини, Әһмәд Сејјидов күчәси, ев 3-дә јашајан, һәмин евин һәјәтиндә мин бир зәһмәт чәкиб Имам Заман (ә) адына мәсҹид тикдирән Рәшад Әкбәровун ханымы Әзимова Рөјалә тәрәфиндән сајтымыза мәктуб вә мүраҹиәт дахил олуб.
Мәлуматда дејилир:
"Һәјат јолдашым Бакыда сәфәрдә иди. Бундан суи-истифадә едән вәһабијөнлү ахунд Илһам һоҹа, онун мүавини Заур вә ики саггаллы вәһһаби нојабрын 7-си ахшам саат 6 радәләриндә гапыны дөјүб мәнә вә ики азјашлы ушагларыма ачыг-ашкар һәдә горху ҝәлиб бу рајондан көчмәјимизи тәләб етдиләр. Ушаглар вә мән горху ичиндә идик. Онларын үзүндән гәзәб јағырды. Мән Аллаһа сығыныб – "бура бизим торпағымыз вә евимиздир. Һеч јерә ҝетмәк дә нијјәтимиз јохдур" - дедикдә, онлар үстүмә гышгырды вә ахырынҹы хәбәрдарлығы дејиб ҝетдиләр: "Әҝәр бурдан ҝетмәсәниз, ушагларынызы өлдүрәҹәјик."
Ики ушаг анасы сөзүнүн давамында дејир: "Артыг бу дөвләтдә әмин-аманлыг галмајыб. Зүлм баш алыб ҝедир. Шикајәт вә наләмизи нә полис идарәси, нә дә ГМИ ешидир.
Еј Әһли-бејт ашигләри! Аллаһа тәвәккүл едиб сизләрдән хаһиш едирәм ки, бизим һагг сәсимизи дүнјаја чатдырын.."
Диггәт: Хәбәрдән истифадә етдикдә мәнбәјә истинад лазымдыр
