Әһли Бејт - АБНА – Хәбәр Аҝентлијинин вердији хәбәрә әсасән, Түркијә, АБШ, сионист исраил режим, Сәудијјә Әрәбистан вә Гәрб дөвләтләринин Јахын Шәргдә мадди вә мәнәви дәстәкләр вердији террор груплашмалары Сурија халгына гаршы ҹинајәтләри даһа да кәскинләшдирмәк истигамәтиндәдирләр.
Белә ки, Түркијә Силаһлы Гүввәләринин танг бригадасынын Сурија әразиләринә тәҹаүзүндән сонра гондарма “ИШИД” адлы террор груплашмасы Һәләбә бағлы Африн шәһәринин ҹәнуб-шәргиндә Сурија Демократик Гүввәләринә дүнән ҝеҹә саатларында ағыр силаһларла һүҹума кечиб.
Сурија Демократик Гүввәләринә бағлы “Ҹејшул Сувар” тәшкилатынын әлиндәки Әһра кәндинә һүҹум башладан ИШИД-ә сәрт гаршылыг верилмәсиндән сонра дөјүшләр шиддәтләниб вә һәлә дә давам едир.
Бу ҝүн сәһәр саатларында исә АСО, “Әһрарүш Шам”вә “Нусра Ҹәбһәси” адлы террор груплашмалары бирләшәрәк Әзаз шәһәринин ҹәнубундакы Ум-Һош, Шејх Иса вә Һирбил кәндләриндәки “Ҹејшул Сувар” јерләшән мөвгеләрә ағыр силаһларла һүҹума кечиб.
Диггәт: Хәбәрдән истифадә етдикдә мәнбәјә истинад лазымдыр
