Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нардаран һадисәләри заманы шәхси мәнзилиндә һеч бир ҹинајәт һадисәси төрәтмәдән һәбс олунан Илаһијјатчы Зүлфүгар Микајылзадәнин мәһкәмәси кечирилиб.
Вәкили Рүстәм Зүлфүгаровун билдирдијинә ҝөрә, дүнән Нәсими Рајон Мәһкәмәсиндә Зүлфүгар Микајылзадәнин һәбс мүддәтинин ев дустағлығына бурахылмасы һаггында иҹлас кечирилиб.
Әдаләтсиз мәһкәмәнин әдаләтсиз һакими Руһанинин ев дустағлығына бурахылмасына "јох" дејиб.
Март ајынын 18-дә исә, бу гәрардан Бакы Апеллјасија Мәһкәмәсинә шикајәти верилиб.
Илаһијјатчынын вәкили Һаҹы Зүлфүгар Микајылзадәнин сәһһәтинин вә руһијјәсинин јахшы олдуғуну, бүтүн мөминләрә салам дедијини вә Новруз бајрамы мүнасибәтилә тәбрик етдијини билдириб.
Талеһ Бағыровун апеллјасија шикајәти тәмин едилмәјиб.
Бу һагда Тале Бағыровун мартын 18-дә вәкил Елчин Садыгов өз Фаҹебоок сәһифәсиндә јазыб: “Она гануни мүнасибәт ҝөстәрилмир”.
Вәкил билдириб: “Бу ҝүн Бакы Истинтаг Тәҹридханасында Талеһ Бағыровла ҝөрүшдүм. Һәр һәр кәсин Новруз бајрамыны тәбрик етди”.
Вәкилин сөзлыринә ҝөрә, һәлә дә Талеһ Бағырова ҝөрүшләрә, телефон данышыгларына шәраит јарадылмыр. Тәҹридханада она нормал гануни мүнасибәт ҝөстәрилмир:
“Даһа сонра Талеһ Бағыровла шаһид арасында үзләшдирмә истинтаг һәрәкәти кечирилди. Шаһидин сәрбәст ифадә вермәсинә шәраит јарадылмамасына етираз олараг, һәмчинин шаһидләрә тәзјиг ҝөстәрилдијини әсас ҝәтирәрәк, Талеһ Бағыров үзләшмәкдән имтина етди. Һәмчинин бу ҝүн Бакы Апеллјасија Мәһкәмәсинин һакими Ҹамал Рамазановун сәдрлији илә Талеһ Бағыров барәсиндә һәбсдә сахлама мүддәтинин узадылмасындан вердијимиз апеллјасија шикајәтинә бахылды вә апеллјасија шикајәти тәмин едилмәди”.
Хатырладаг ки, Мүсәлман Бирлији Һәрәкатынын сәдри Тале Бағыров диҝәр 14 нәфәрлә бирликдә 2015, нојабрын 26-да Нардаран гәсәбәсиндә Нардаран сакинләри олан Бунјатовлар гардашларынын евиндә Зөһр вә Әср намазларыны гылдыглары заман Илһам Әлијевин бир баша нәзарәти илә кечирлән “полис әмәлијјаты” заманы ҝүллә глпәләри илә јараланараг сахланылыблар. Онлара гаршы һакимијјәти зорла әлә кечирмә, террорчулуг вә гәсдән адам өлдүрмә маддәләри үзрә иттиһамлар ирәли сүрүләрәк барәләриндә 4 ајлыг һәбс гәтимкан тәдбири сечилиб. Әмәлијјат вахты баш вермиш силаһлы гаршыдурма заманы ики полис әмәкдашы да силаһдашлары тәрәфиндән вурулараг һәлак олдуғу дејилир.
Диггәт: Хәбәрдән истифадә етдикдә мәнбәјә истинад лазымдыр
