Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран үзәриндән санксиjалар ҝөтүрүлдүкдән сонра гоншу өлкәнин Транс-Анадолу Тәбии Газ Бору Хәтти Лаjиһәсиндә (ТАНАП) иштиракы актуаллашыр. Буну журналистләрә Азәрбаjҹан Дөвләт Нефт Ширкәтинин (СОҸАР) президенти Рөвнәг Абдуллаjев деjиб.
“ТАНАП һал-һазырда о гәдәр ҝәлирли лаjиһәдир ки, артыг бурадан паj вермәк лазым деjил. Бундан сонра jалныз сата биләрик. Јахшы гиjмәтләр тәклиф олунса сатмаг олар. Һал-һазырда тәклифләр вар. Билирсиниз ки, Иранын үзәриндән санксиjалар ҝөтүрүлдүкдән сонра ТАНАП-ын ҝүндәлиjи чох jүксәлир. Билирсиниз ки, Иранын да ҝәләҹәкдә газы олаҹаг вә бу газы базарлара чыхармаг үчүн ТАНАП-дан башга бир алтернатив jохдур”, - деjә Р. Абдуллаjев билдириб.
Түркиjә вә Авропа Бирлиjи өлкәләринин енержи тәһлүкәсизлиjинин тәмин едилмәси вә тәҹһизатын диверсификасиjасы бахымындан бөjүк өнәм дашыjан ТАНАП чәрчивәсиндә гоншу өлкәjә илк газ нәглинә 2018-ҹи илдә башланылмасы планлашдырылыр. Башланғыҹда иллик 16 млрд. кубметр тәшкил едәҹәк нәгл һәҹминин мәрһәләли сурәтдә әввәлҹә 24 млрд. кубметрә, сонра 31 млрд. кубметрә jүксәлдилмәси нәзәрдә тутулур.
1850 километрлик ТАНАП хәтти 2020-ҹи илин әввәлиндән етибарән Транс-Адриатик Тәбии Газ Бору Хәттинә (ТАП) бағланараг, Ҹәнуби Гафгаз Бору Хәтти васитәсилә алаҹағы тәбии газы Јунаныстан, Албаниjа вә Италиjа үзәриндән Авропаjа чатдыраҹаг.
ТАНАП $10-11 млрд. дәjәриндә гиjмәтләндирилир.
Лаjиһәдә паjчылар арасында сәһмләр белә мүәjjәнләшдирилиб: “Ҹәнуб Газ Дәһлизи” ширкәти - 58%, БОТАШ - 30%, БП - 12%.
Диггәт: Хәбәрдән истифадә етдикдә мәнбәjә истинад лазымдыр
4 aprel 2015 - 11:42
Xəbər kodu: 681114
Иран үзәриндән санксиjалар ҝөтүрүлдүкдән сонра гоншу өлкәнин Транс-Анадолу Тәбии Газ Бору Хәтти Лаjиһәсиндә (ТАНАП) иштиракы актуаллашыр. Буну журналистләрә Азәрбаjҹан Дөвләт Нефт Ширкәтинин (СОҸАР) президенти Рөвнәг Абдуллаjев деjиб.
