Истанбулда террор актынын тәшкилиндә ики Дағыстан сакини шүбһәли билинир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Истанбулда террор актынын тәшкилиндә ики Дағыстан сакини шүбһәли билинир
Истанбул прокурорлуғу өтән һәфтә шәһәрин мәркәзиндәки Султанаһмет меjданында төрәдилмиш террор актыны һазырламагда шүбһәли билинән икиси Дағыстан сакини олмагла 3 нәфәрин һәбси илә бағлы мәһкәмәjә мүраҹиәт едиб.
    
АПА-нын мәлуматына ҝөрә, бу барәдә “Анадолу” хәбәр аҝентлиjинә мәһкәмәдәки мәнбә билдириб.  
Геjд едәк ки, террор акты илә бағлы үмумиликдә 3-ү Дағыстан сакини олмагла 6 нәфәр сахланылмышды. Диндирилән алты нәфәрдән 3-нә (икиси дағыстанлы олмагла) “террор груплашмасына дәстәк” иттиһамы ирәли сүрүлүб. Прокурорлуг онларын һәбси илә әлагәдар мәһкәмәjә мүраҹиәт едиб.    
Геjд едәк ки, jанварын 6-да Истанбулун мәркәзиндә полис шөбәсиндә төрәдилмиш партлаjыш нәтиҹәсиндә асаjиш кешикчиси өлүб, икиси исә jараланыб. Партлаjыш гадын-камикадзе тәрәфиндән төрәдилиб. Мәлумата ҝөрә гадын Истанбулун тарихи мәркәзиндәки Султанаһмет меjданы jахынлығында
Туризм Полиси Идарәсинин нөвбәтчи постуна jахынлашараг, инҝилис дилиндә чантасынын итдиjини билдириб вә ичәри дахил олмаға ҹәһд едиб. Лакин полис ону даjандырдыгда о, үзәринә гурашдырылмыш партлаjыҹы гурғуну ишә салыб.
Сонрадан Түркиjә мәтбуаты партлаjышы төрәдән гадын-камикадзенин Русиjа вәтәндашы Диана Рамазова олдуғуну билдириб.
Диггәт: Хәбәрдән истифадә етдикдә мәнбәjә истинад лазымдыр