Туғҝенерал Һ. Деһган: Милли Тәһлүкәсизлијимиз вә Ирагдакы зијарәтҝаһлар гырмызы хәттимиздир \ Сурија вә Ирага силаһ веририк

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Мүдафиә Назири Туғҝенерал Доктор Һүсејн Деһган Иран Ислам Республикасынын ракет сәнајеси һагда вә Ислам Һакмијјәтинин мәнтәгәдәки фәалијјәтләри барәдә ачыглама вериб.

Ракет сәнајесинә ҝөрә Иран Ислам Республикасынын дүнјада нечәнҹи јердә гәрар тутдуғуну ачыглајан Туғҝенерал Һүсејн Деһган билдириб: “Иран Ислам Республикасынын ракет сәнајесинә малик өлкәләр арасында өз јери вар. Өлкәмиз бу бахымдан АБШ, Русија вә Чиндән сонракы јердә гәрарлашыр”.

Доктор Һусејн Деһган даһа сонра дејиб: “Биз өкәмиз әлејһинә еһтимал олуна биләҹәк бүтүн һәдәләрә ујғун олараг чалышдыг ки, ракетләримизи узаг мәсафәни вура билмәк гүдрәтинә малик едәк. Вә бу контекстдә лазымы мәрһәләләрә артыг чатмышыг”.

Иран Ислам Республикасынын сон илләр әрзиндә ракет сәнајесиндә нәзәрәчарпаҹаг наилијјәтләр әлдә етдијини билдирән Туғҝенерал Һ. Деһган билдириб: “Иран Ислам Республикасы һеч бир гүввәјә өз ракетләрини суал алтына алмаға вә ја онлары мүзакирәјә чыхармаға иҹазә вемәјәҹәк”.


Ракетләрин радардан јајынмасы үзәриндә апарылан ишләр

Туғҝенералын сөзләринә ҝөрә, Иран Ислам Республикасында истеһсал олунан ракетләрин һәдәфи дәгиг вурма габилијјәтинин, радардан јајынма мүддәтинин артырылмасы үзәриндә лазымы ишләр апарылыб.


Милли Тәһлүкәсизлијинин тәмини ваҹибдир

Иран Ислам Республикасынын Мүдафиә Назири “Ираг Хариҹи Ишләр Назиринин ИИР гырыҹы тәјјарәләринин Ираг үзәриндә учушуна вә гондарма “ИШИД” адлы террорчу бирләшмәнин базаларына зәрбәләр ендирмәсинә рәсми Ирагын иҹазә вердијини вә һәмчинин аја Иран Ислам Республиукасынын тәјјарәләри Ирагда террорчуларын базаларына һавадан зәрбәләр ендирибми?” суалына белә ҹаваб вериб: “Милли Тәһлүкәсизлијимизин тәмини бизим үчүн әһәмијјәт дашыјыр. Әҝәр өлкә һүдудларындан кәнардакы ҹәрәјанлар бизим үчүн әнҝәл төрәтмәк фикриндә олсалар, Милли Тәһлүкәсизлијимизин тәмини бизим “гырмызы хәт”тимиздир”.


Ирагда јерләшән мүгәддәс зијарәтҝаһлар рәсми Теһран үчүн "гырмызы хәт"дир

Иран Ислам Республикасынын Мүдафиә Назири даһа сонра вуғулајыб: “Ирагда јерләшән мүгәддәс зијарәтҝаһлар рәсми Теһран үчүн "гырмызы хәтләр"дир. “Әҝәр гондарма “ИШИД” вә ја һәр һансы бир силаһлы ҹәрәјан мүгәддәс зијарәтҝаһлара тохунарса, Иран Ислам Республикасы мејдана дахил олаҹаг".
Доктор Һ. Деһган билдириб: “Өлкәмизин һүдудлары вардыр вә бизим үчүн әһәмијјәт дашыјыр. Әҝәр гондарма “ИШИД” адлы силаһлы ҹәрәјан өлкәмизә дахил олмаг истәјәрсә мүтләг онлара гаршы сәрт аддымлар атылаҹаг. Лакин бу ҝүн буна һеч бир еһтијаҹ јохдур. Әҝәр Ираг дөвләти рәсми сүрәтдә мүраҹиәт едәрәк биздән террорчулара гаршы мүбаризә апармагда көмәк истәјәрсә шүбһәсиз буна ҝедәҹәјик”.


АБШ вә гондарма Исраилин ИИР-а һүҹум етмәјә ҹәсарәти чатмаз

Иран Ислам Республикасынын Мүдафиә Назири Һүсејн Деһган вурғулајыб ки, АБШ вә гејрилегал Исраил режиминин Иран Ислам Республикасына һүҹум етмәјә ҹәсарәти чатмаз.

О, бу һагда белә дејиб: “Онларын һәдәләри вә һүҹум планынын маса үзәриндә олмасы илә бағлы ачыгламалары бош шејдир. Әҝәр һәр һансы бир иш ҝөрә билсәјдиләр, һеч шүбһәсиз буну едәрдиләр. Буна бахмајараг, биз бу һәдәләри ҹидди гәбул едирик вә һазырлыгларымызы ҝөрүрүк”.


Диггәт: Хәбәрдән истифадә етдикдә мәнбәјә истинад лазымдыр