Абуталыбов исламчыларын митингинә `jох` деди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакы Шәһәр Иҹра Һакимиjjәти дөвләт геjдиjjаты олмаjан Азәрбаjҹан Ислам Партиjасынын митинглә бағлы мүраҹиәтинә ҹаваб вериб.

Хатырладаг ки, Азәрбаjҹан Ислам Партиjасы Бакы Шәһәр Иҹра Һакимиjjәтинә мүраҹиәтдә декабрын 21-дә метронун “Иншаатчылар” стансиjасы jахынлығындакы стадионун аксиjа үчүн аjрылмасыны истәмишди. Исламчылар сиjаси мәһбусларын азадлыға бурахылмасыны тәләб етмәк, сосиал шүарлар сәсләндирмәк, Дағлыг Гарабағ мүнагишәсинин һәлли мәсәләсини ҝүндәмә ҝәтирмәк ниjjәтиндә олдугларыны билдирмишдиләр.
Партиjа сәдри Елчин Манафов “Медиа форум” саjтына деjиб ки, мериjа митингә иҹазәси вермәjиб: “Бакы Шәһәр Иҹра Һакимиjjәтинин шөбә мүдири Заур Рамазанов партиjаjа ҹавабында “Сәрбәст топлашмаг азадлығы һаггында ганун”ун маддәләрини әсас ҝәтирәрәк митингә разылашмадыгларыны билдириб. Деjир ки, мүраҹиәтдә өзүнүзү ҝаһ дөвләт геjдиjjатындан кечмәjән партиjа нүмаjәндәләри, ҝаһ да өлкә вәтәндашы кими тәгдим едирсиниз ки, бу да анлашылмазлыг jарадыр...
Мериjа геjд едир ки, аjры-сечкилиjә, әдавәтә вә зоракылыға чағырышларла мүшаjиәт олунан, милли, ирги вә jа дини әдавәти тәблиғ едән топлантылар гадаға едилир. Ахы бизим митинг кечирмәкдә мәгсәдимиз бунлар деjил. Биз диндарлара, исламчылара гаршы тәзjигләрин дурдурулмасы, Гарабағла проблемин һәлли тәләби илә митинг кечирмәк ниjjәтиндәjик.
Декабрын 20-дә мәтбуат конфрансы кечирәрәк бизә гаршы олан мүнасибәтә аjдынлыг ҝәтирилмәсини истәjәҹәjик...”.
Ону да геjд едәк ки, Азәрбаjҹан Ислам Партиjасынын дөвләт геjдиjjаты 1995-ҹи илдә ләғв олунуб. Партиjанын лидери Мөвсүм Сәмәдов 2011-ҹи илдән һәбсдәдир. Сон аjларда о вә мәһбус дин адамлары – руһани Абҝүл Сүлеjманов, илаһиjjатчы Талеһ Бағыров низам-интизам гаjдаларыны позмагда сучлу билинәрәк Гобустан гапалы һәбсханасына көчүрүлүбләр.
Хатырладаг ки, бакы Шәһәр Иҹра Һакимиjjәтинин башчысы Һаҹыбала Абуталыбовдур. /
Диггәт: Хәбәрдән истифадә етдикдә мәнбәjә истинад лазымдыр