Әһли Бејт (әлејһимус сәлам) -АБНА- Хәбәр Аҝентлији- Дүнјанын ән горхунҹ террор тәшкилатына чеврилән гондарма “ИШИД” адлы груплашманын башкәсәнләр ордусунун һәр ҝүн гадын, ушаг, јашлы демәдән Ираг вә Суријада инсанларын башларыны үзүб јан-јана дүзмәсини, бу террор һәрәкатынын үзвләринин кәсилмиш инсан башлары илә футбол ојнамасыны әкс етдирән дәһшәт ҝөрүнтүләри интернетдә долудур.
Бәс бу гәдәр гәддар башкәсәнләр һарадан пејда олуб? Доғруданмы ИШИД-чиләрин дүнјаны дәһшәтә салан гәддарлыгларыны онларын идеолоҝијаларындан ирәли ҝәлир?
Јахуд он илләр боју диктаторларын зүлмү алтында әзилән мәзлум әрәбләрин бирдән-бирә өлүмдән горхмајан мүбаризләрә чеврилмәсинин, минләрлә гурбан версә дә Тунис, Мисир, Ливија режимләринин тәһлүкәсизлик гүввәләринин гаршысындан ҝери чәкилмәјәрәк "әрәб баһары” фыртынасы јаратмасынын, Һүснү Мүбарәки, Бен Әлини, Гәззафини девирмәсинин архасында һансы сеһрли ҝүҹ дајанырды?
Индијә гәдәр "әрәб баһары”нын вә онун јаратдығы тәлатүмләр фонунда мејдана чыхан ИШИД-ин ҝаһ Исраилин, ҝаһ да АБШ-ын әмәли олдуғу һагда мүхтәлиф нәзәријјәрләр ортаја атылыб.
Анҹаг әрәб өлкәләрини бүрүјән тәлатүмләрдә ролу олан "сеһрли иксир” дә вар ки, онун һаггында индијәдәк данышан јох иди. Инди Италијанын "Ил Ҝиорнале” нәшри һәрби журналист Ҹан Микалессинин бу "сеһрли маддә”, јахуд "дәһшәт һәби” һагда арашдырмасыны дәрҹ едиб.
Кустар јолла һазырланан амфетамин маддәси
Сөһбәт инсана физики әзаблара таб ҝәтирмәк ҝүҹү верән вә онун бејниндә бөјүк бошлуг јарадан ҝүҹлү амфетамин маддәсиндән ҝедир. Бупсихотропмаддә "каптагон” адланыр, анҹагһамыонаартыг "дәһшәтиксири” адывериб.
Бу маддә "әрәб баһары” илә бирликдә јајылмаға башлады вә Тунисдән тутмуш Мисирә, Ливијадан Суријаја гәдәр әрәб өлкәләриндә сәләфи күтләләрин өзләрини полисин вә һәрбчиләрин зәрбәләри алтында гурбан вермәсиндә әсас рол ојнады.
Журналист јазыр ки, инди бу маддә бүтүн Јахын Шәрг үчүн әсл дәһшәтә чеврилиб: бу өлүмҹүл амфетаминин јаратдығы екстазда онун тәсири алтында олан инсан сифәтиндә тәбәссүмлә, бејинләриндә бошлугла баш кәсир вә өлдүрүр.
Күрдләр шаһидлик едир ки, бу маддәни Кобанидә өлдүрүлмүш јүзләрлә ИШИД-чинин һамысынын ҹибләриндә тапыблар. Гәрбли ҝировларын башларыны кәсән вә "Ҹиһадчы Ҹон” кими танынан британијалы ИШИД үзвүнүн видеоҝөрүнтүләрини анализ етмиш АБШ кәшфијјаты онун амфетаминин тәсири алтында олдуғуну мүәјјән едиб.
Журналист јазыр ки, бу препараты илк дәфә Мисирдә Һүснү Мүбарәк режиминә гаршы дөјүшән нүмајишчиләрин ҹибләриндә тапыблар. Һәмин һадисәләр заманы тутуланларын бир чоху етираф едиб ки, нүмајишләрин тәшкилатчыларындан инсана ҝүҹ вә гәтијјәт ҝәтирән мөҹүзәли һәбләр алыблар. О заман "Мүсәлман гардашлары” һәрәкаты препараты Дубајдан вә Гәтәрдән ҝәтирмишди.
Препаратла бағлы илк елми тестләри исә Италија карабинерләри кечириб. Карабинерләр 2013-ҹү илдә Ливијадакы паракәндә јараглы групларыны низами ордуда бирләшдирмәк үчүн ҝөндәриләндә онларын апардыглары анализләр ҝөстәриб ки, потенсиал курсантларын 30 фаиздән чоху наркотик маддә асылылығындадыр.
Һазырда белә ҝүҹлү еһтимал вар ки, каптагон ИШИД јараглыларынын фанатизмини һејвани гәддарлыға, вәһшилијә чевирән препаратдыр. Гәтәрдә, Дубајда вә инди ИШИД-ин нәзарәтиндә олан әразиләрдә истеһсал едилән бу һәбләр мүһарибә вә террор үчүн әсл јанаҹаға чеврилиб.
Диггәт: Хәбәрдән истифадә етдикдә мәнбәјә истинад лазымдыр
