Газ кәмәринин кечмәли олдуғу Балкан өлкәләри дә өз зәрәрләрини һесабламаға башлаjыб.

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, “Ҹәнуб ахыны” лаjиһәсинин дондурулмасы Авропа компаниjаларына ән азы 2,5 милjард доллар зәрәр вураҹаг.
Газ кәмәринин кечмәли олдуғу Балкан өлкәләри дә өз зәрәрләрини һесабламаға башлаjыб.
Бунунла белә Авропа комиссиjасы зәрәрин һеч ким тәрәфиндән компенсасиjа олунмаjаҹағыны бәjан едиб.
Балкан өлкәләри “Ҹәнуб ахыны”нын ләғв олунмасына тәәссүфләнмәклә jанашы, лаjиһәнин нә вахтса реаллашаҹағына үмиди дә итирмирләр. Сербиjанын jедди илдир ки, бу лаjиһәjә пул jатырдығыны, бөjүк ишләр ҝөрдүjүнү вә ән чәтин заманларда белә ондан имтина етмәдиjини деjән Баш назир Александр Вучич лаjиһәнин даjандырылмасында онларын ҝүнаһынын олмадығыны вә өлкәсинин нәһәнҝ оjунчуларын тоггушмасынын әвәзини өдәдиjини билдириб.
 
Сербиjа президенти Томислав Николич исә өз нөвбәсиндә бунун шәрглә гәрб арасында сичан-пишик оjунуна бәнзәдиjини вә бу мәсәлә барәдә һәм авропалы, һәм дә русиjалы тәрәфдашлары илә ҹидди сөһбәт едәҹәкләрини вурғулаjыб.
Гоншу Болгарыстан да лаjиһәнин ләғв олунмасындан бәрк тәәссүф һисси кечирир. Мәһз бурада кәмәрин чәкилмәсинә иҹазә верилмәдиjиндән лаjиһә дондурулмушду. Бир чохлары “Ҹәнуб ахыны”нын бирдәфәлик бағланмасына инанмыр вә һөкумәтин зәрәрә ҝәтириб чыхараҹаг гәрарына бәраәт газандырмаға чалышырлар.
“Ҹәнуб ахыны” лаjиһәсинин даjандырылмасына даир Русиjадан рәсми бәjанат алынмадығыны сөjләjән Болгарыстанын игтисадиjjат назири Божидар Лукарски кәмәрин тикинтисинә Авропа Иттифагынын тәләбләринә уjғун ҝәлмәдиjи үчүн иҹазә верилмәдиjини геjд едиб.
Гыш астанасында jени газ мәнбәләри ахтармаға чалышан Маҹарыстанын хариҹи ишләр назири Петер Сиjjарто исә бундан сонра енержи ресурсларынын идхалыны Азәрбаjҹанын һесабына артырыла биләҹәjини деjиб.
Рәсми Москванын исә мөвгеjи дәгигдир. “Ҹәнуб ахыны” лаjиһәсинин битдиjини сөjләjән Русиjа Президенти Владимир Путин өлкәсинин ҝәләҹәкдә бир чох лаjиһәни, о ҹүмләдән Түркиjә илә jени газ кәмәри тикинтисини һәjата кечирәҹәjини бәjан едиб.
Диггәт: Хәбәрдән истифадә етдикдә мәнбәjә истинад лазымдыр