Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Республикасы президенти Илһам Әлиjев ермәни һәмкары Серж Сәркисиjанын данышыглар просесиндә әлдә олунан разылашмалара садиг галмамасындан наразылыг билдириб.
"Россиjа24” каналына мүсаһибәсиндә Азәрбаjҹан президенти Илһам Әлиjев деjиб :
“Бу ил данышыглар просесиндә кечән илләрлә мүгаjисәдә даһа да интенсивлик мүшаһидә олунду. Һәмсәдр өлкәләр, президентләр сәвиjjәсиндә данышыглар просесиндә актив иштирак едибләр.”
Илһам Әлиjев деjиб : “Индиjә кими һеч вахт белә олмамышды. Август аjында Владимир Путинлә бирликдә Азәрбаjҹан вә Ермәнистан президентләринин ҝөрүшү кечирилди. Сентjабр аjында АБШ дөвләт катиби Ҹон Керри бизимлә аналожи ҝөрүш кечирди. Октjабрын сонунда исә Франса президенти Франсуа Олланд Азәрбаjҹан вә Ермәнистан президентләрини Парисә дәвәт еләди вә бизимлә икитәрәфли вә үчтәрәфли мүзакирә апарылды. Мүнагишәнин низамланмасы илә бағлы данышыглар просесиндә мөвзулардан бири дә инам мүһитинин мөһкәмләндирилмәсинә аид иди, һансы ки, гошунларын тәмас хәттиндә иткиләр азалсын вә тәрәфләр бир-биринә даһа чох инансынлар. Һәм Азәрбаjҹан, һәм дә Ермәнистан тәрәфи Парисдә кечирилән ҝөрүшү мүсбәт гиjмәтләндирдиләр.”
Илһам Әлиjев тәәссүф һисси илә геjд едиб : “Дүз ики һәфтә сонра исә Ермәнистан Азәрбаjҹанын ишғал алтында олан әразиләриндә һәрби тәлимләр кечирмәjә башлады. Һансы ки, бу тәлимләри Ермәнистанда деjил, һәтта Дағлыг Гарабағ Мухтар Вилаjәти әразисиндә дә деjил, мәһз Азәрбаjҹанын Ағдам раjонунун әразисиндә, гошунларын тәмас хәттиндә кечирдиләр. Һәмин тәлимләрдә 47 миндән артыг һәрбчи вә миндән чох һәрби техника иштирак едиб. Сорушурам, Парисдә кечирилән мүсбәт ҝөрүшләрдән сонра тәхрибат төрәтмәк нәjә лазым иди?”
Диггәт: Хәбәрдән истифадә етдикдә мәнбәjә истинад лазымдыр
2 dekabr 2014 - 17:22
Xəbər kodu: 655556
“Бу ил данышыглар просесиндә кечән илләрлә мүгаjисәдә даһа да интенсивлик мүшаһидә олунду. Һәмсәдр өлкәләр, президентләр сәвиjjәсиндә данышыглар просесиндә актив иштирак едибләр.”
