"Иран - Азәрбаjҹанын мүнасибәтләринә һеч бир гүввә зәрәр вура билмәз"

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Азәрбаjҹан Республикасы илә Иран Ислам Республикасы ортаг тарихи көкләрә маликдирләр вә рәсми Теһран илә Бакынын достлуг мүнасибәтләринин әсасыны халгларын jахынлығы тәшкил едир.
бу фикирләри Иранын хариҹи ишләр назиринин мүавини, Иран президентинин Хәзәр дәнизинин һүгуги статусунун мүәjjәнләшмәси истигамәтиндә апарылан данышыглар просесиндәки нүмаjәндәси Ибраһим Рәһмипур деjиб. О билдириб ки, Иран илә Азәрбаjҹанын достлуг мүнасибәтләринә һеч бир гүввә зәрәр вура билмәз.
И. Рәһмипур билдириб ки, Иран гуруда 7, дәниздә исә 8 дөвләтлә һәмсәрһәддир. Ирана һәмсәрһәд олдуғу 15 өлкә арасында Азәрбаjҹан гәдәр jахын оланы jохдур. Одур ки, Азәрбаjҹанын Иранын хариҹи сиjасәтиндә өзүнәмәхсус jери вар. Һәр ики дөвләт мүнасибәтләрин jүксәк сәвиjjәдә галмасына диггәт аjырмалыдыр.
Назир мүавини геjд едиб ки, рәсми Теһран илә Бакы игтисади әлагәләрлә jанашы тәһлүкәсизлик саһәсиндә дә әмәкдашлығы приоритет истигамәт һесаб едирләр.
Бу әлагәләрин инкишафы реҝион халгларынын даим сүлһ вә шәраитиндә jашамасына хидмәт едәҹәк.
Диггәт: Хәбәрдән истифадә етдикдә мәнбәjә истинад лазымдыр