Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нојабрын 17-дә Бакы Апеллјасија Мәһкәмәсиндә Һаким Мирзәли Аббасовун сәдрлији илә Азәрбајҹан Ислам Партијасынын һәбсдә олан лидери Доктор Мөвсүм Сәмәдовун шикајәтинә илкин бахыш олуб.
Апеллјасија шикајәти Мөвсүм Сәмәдовун Гобустан һәбсханасына көчүрүлмәси һагда чыхарылан гәрарын ләғви хаһиши илә верилиб. Октјабрын 9-да Гарадағ Рајон Мәһкәмәси 12 сајлы Ҹәзачәкмә Мүәссисәси рәисинин Мөвсүм Сәмәдовла бағлы тәгдиматына әсасланараг мәһбусун 2 ил мүддәтинә гапалы һәбсхана режиминә (Гобустан һәбсханасына) кечирилмәси гәрарыны чыхарыб.
Вкили Анар Гасымлы һәмчинин вәсатәт галдырараг мүвәккилинин мәһкәмә дөврү мүддәтиндә Бакы Истинтаг Тәҹридханасында сахланымасыны хаһиш едиб. О, буну онунла әсасландырыб ки, Мөвсүм Сәмәдов һал-һазырда сахланылдығы һәбсханада ҹәримә камерасындадыр вә мәһкәмә мүддәтинә гәдәр Бакы Истинтаг Тәҹридханасында сахланылмасы даһа мәгсәдәујғундур.
Һаким нөвбәти мәһкәмә иҹласыны 24 нојабр саат 11:20-ә тәјин едиб. Шикајәтә һаким Мирзәли Аббасовун сәдрлији илә бахылаҹаг.
Гејд едәк ки, Доктор Мөвсүм Сәмәдов 2011,01,02 тарихдә етдији Тарихи Чыхышындан сонра, һәмин илин јанварындан һәбсдәдир. О, һакимијјәти зорла әлә кечирмә ҹәһди вә башга ағыр ҹинајәтләрдә тәгсирли билинәрәк 12 ил мүддәтинә азадлыгдан мәһрум олунуб.
2014-ҹү ил сентјабрын 18-дә Мөвсүм Сәмәдов 11 сајлы Ҹәзачәкмә Мүәссисәсиндән 12 сајлы мүәссисәјә көчүрүлүб. Һәмин ҝүн она 5, даһа сонра 7 суткалыг карсер ҹәзасы верилиб.
Һазырда Мөвсүм Сәмәдов 12 сајлы Ҹәзачәкмә Мүәссисәсиндә сахланыр.
Диггәт: Хәбәрдән истифадә етдикдә мәнбәјә истинад лазымдыр
