Дағлыг Гарабағ мүнагишәси Авропа Шурасынын Јерли вә Реҝионал Һакимиjjәтләри Конгресиндә мүзакирә олунаҹаг

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дағлыг Гарабағ мүнагишәси Авропа Шурасынын Јерли вә Реҝионал Һакимиjjәтләри Конгресиндә мүзакирә олунаҹаг
Дағлыг Гарабағ мүнагишәси Авропа Шурасынын Јерли вә Реҝионал Һакимиjjәтләри Конгресинин 27-ҹи сессиjасынын пленар иҹласында мүзакирә олунаҹаг.
Страсбургда өз ишинә башламыш Авропа Шурасынын Јерли вә Реҝионал Һакимиjjәтләри Конгресинин 27-ҹи сессиjасынын пленар иҹласында “Украjнада вә гоншу өлкәләрдә баш верән сепаратчы ҝәрҝинликләр” адлы мәрузә динләнәҹәк вә мөвзу әтрафында мүзакирәләр апарылаҹаг.

Әввәлҹәдән Конгрес бу һесабатда сепаратчылыгдан әзиjjәт чәкән өлкәләр кими jалныз Украjна, Ҝүрҹүстан вә Молдованы ҝөстәрсә дә, бу ҝүн гурумун бүросу узун мүзакирәләрдән сонра Азәрбаjҹанын да бу сәнәдә дахил едилмәси һагда гәрар чыхарыб.  
Бу һагда мәлумат верән Конгресин jени сәдри Жан-Клод Фрекон билдириб ки, мүзакирәләрә Азәрбаjҹанын әдлиjjә назири Фикрәт Мәммәдов да дәвәт олунуб: “Азәрбаjҹанын Дағлыг Гарабағ проблеми вар вә белә бир проблем варса, биз Азәрбаjҹан үчүн бу мүзакирәләрин гапысыны бағламаг истәмәздик. Буна ҝөрә азәрбаjҹанлы назири бу мүзакирәләрә дәвәт етмишик”.
Сепаратчылыг меjлләри һаггында данышан Ж. Фрекон һәр һансы парчаланма, реҝиончулуг вә сепаратчылығын Авропа мәканы үчүн мүсбәт һал олмадығыны вурғулаjыб: “Бу һәм Конгресин, һәм дә үмумиликдә Авропа Шурасынын мөвгеjидир”.
Геjд едәк ки, Азәрбаjҹанын Авропа Шурасы Назирләр Комитәсиндәки сәдрлиjи чәрчивәсиндә Ф. Мәммәдовун Конгресин jалныз сабаһкы пленар иҹласында чыхышы нәзәрдә тутулмушду. Амма бүронун бу гәрарындан сонра Ф Мәммәдовун гурумун октjабрын 16-да кечириләҹәк динләмәләрдә дә иштирак едәҹәjи ҝөзләнилир. Һәмин мүзакирәләрдә Украjнанын реҝионал инкишаф, гуруҹулуг, мәнзил вә бәләдиjjә хидмәтләри назиринин мүавини Вjачеслав Нехода, Молдова хариҹи ишләр вә Авропа гуруҹулуғу назири Валериу Чивери, Киjев шәһәр Бәләдиjjәләр шурасынын сәдри вә шәһәр меринин мүавини Олекси Резников вә Ҝүрҹүстанын реҝионал инкишаф вә инфраструктур назири Тенҝиз Шерҝелашвили иштирак едәҹәкләр.
Диггәт: Хәбәрдән истифадә етдикдә мәнбәjә истинад лазымдыр