Украjнанын jени мүдафиә назири бәлли олуб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Украjна президенти Петро Порошенко мүдафиә назири вәзифәсинә jени намизәди Али Радаjа тәгдим едиб
П. Порошенко бу вәзифәjә Милли Гвардиjанын команданы, ҝенерал полковник Степан Полторакы лаjиг ҝөрүб.    
П.Порошенко С. Полторак илә ҝөрүшүндә онун jүксәк тәшкилатчылыг габилиjjәтини вә һәрбчиләр арасындакы нүфузуну геjд едиб: “Сизин пешәкар вә вәтәнпәрвәр мөвгеjиниз, Милли Гвардиjа системини фактики олараг сыфырдан инкишаф етдирмәк үчүн атдығыныз гәтиjjәтли аддымлар, гошунлардакы интизам вә дөjүш руһу мәним гәрарымда әсас рол оjнады. Мән ҝенералларла, баталjон командирләри илә, сырави дөjүшчүләрлә ҝөрүшдүм. Онларла апардығым сөһбәтләрдән сонра әмин олдум ки, гәрарым доғрудур”.
С.Полторак исә президентә тәшәккүр едәрәк белә ағыр вахтда Силаһлы Гүввәләрә рәһбәрлик етмәjин бөjүк шәрәф олдуғуну вурғулаjыб.
Хатырладаг ки, октjабрын 12-дә Украjнанын мүдафиә назири Валери Гелетеj истефа вериб.
Диггәт: Хәбәрдән истифадә етдикдә мәнбәjә истинад лазымдыр