Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын әл-Ҹәзирә вә әл-Бадијә Һәрби Гәрәрҝаһларынын Баш Катиби өтән ҝүн кечиртдији мәтбуат конфрансында, Ираг Һава Силаһлы Гүввәләринин азғын “ИШИД” террорчуларынын әсас мөвгеләринә зәрбәләр еиндирдији һагда хәбәр вериб.
Ҝенерал Казым Зија әмәлијјат һагда ачыглама верәрәк билдириб: “Ираг Һава Силаһлы Гүввәләринин “ИШИД”ин әл-Әнбар әјаләтиндәки һәрби базаларына һавадан ендирдији зәрбәләри нәтиҹәсиндә азы 30 террорчу һәлак олуб.”
Ҝенерал Зија даһа сонра әлавә едиб: “Әмәлијјат заманы террорчу груплашмаја хејли сајда ҹанлы итки вермәклә јанашы 2 әдәд Танк, 20 әдәд машын, 2 әдәд јанаҹаг дашыјан машынлары да дармадағын едилиб.”
Мәтбуат конфрансында иштирак едән әл-Әнбар әјаләтинин Мәркәзи Әмәлијјат Гәрәрҝаһынын Сәдри Ҝенерал Рәшид Фәлиһ дә өз нөвбәсиндә чыхыш едәрәк, өлкәнин шималында апарылан әмәлијјатын уғурла һәјата кечирилдијини дејәрәк, бу әмәлијјатларда да 20 вәһһабинин өлдүрүлдүјүнү хәбәр вериб.
Диггәт: Хәбәрдән истифадә етдикдә мәнбәјә истинад лазымдыр
