Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, НАТО ишғалчы гүввәләри гәрәрҝаһынын баш катиби Јенс Столтенберг өтән ҝүн, 9 Октјабр, 2014 тарихдә Анкараја дахил олараг Түркијә баш назири, Түркијә һәрби гәрәрҝаһынын катиби илә, ајры ајрылыгда, бағлы гапылар архасында ҝизли ҝөрүш кечирдиб.
Адыны ачыгламајан Түркијә баш назирлијинә јахын мәнбәләрдән биринин билдирдијинә ҝөрә, НАТО гүввәләри гәрәрҝаһынын баш катиби назир Әһмәд Давудоғлу илә ҝөрүш заманы билдириб ки, Түркијәнин Шимали Атлантика Алјансына (НАТО) гәбул едилмәси бу тәшкилат үчүн бөјүк бир шанс кими гијмәтләндирилир.
Јенс Столтенберг даһа сонра билдириб: “НАТО-нун мәнтәгәдә Түркијә кими бир дөвләти әлдә сахламасы бизим үчүн севиндириҹи бир һалдыр. Биз бу ишдән хејли разыјыг вә һәр ан түркијәни мүдафиә етмәјә һазырыг”.
Адыны ачыгламајан мәнбә даһа сонра билдириб ки, Әһмәд Давудоғлу да өз нөвбәсиндә НАТО-нун Түркијәјә олан диггәтини дәјәрләндирәрәк, Патриот ракет силаһларынын Түркијә торпагларында јерләшдирилмәсиндән мәмнун галдығыны билдириб.
НАТО ишғалчы гүввәләри гәрәрҝаһынын баш катиби Јенс Столтенберг, Түркијәнин һәрби гәрәҝаһынын баш катиби Нәҹдәт Узал илә ҝөрүшүндә исә, Сурија вә Ираг һадисәләри барәдә данышыглар апардығыны билдириб.
Диггәт: Хәбәрдән истифадә етдикдә мәнбәјә истинад лазымдыр
