Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нафталан- Ҝоранбој археоложи експедисијасынын рәһбәри, тарих үзрә фәлсәфә доктору Мүзәффәр Һүсејнов АзәрТАҹ-а билдириб ки, Нафталан шәһәри әтрафында курган типли гәбир абидәләри ашкар едилиб. Бурада ҝенишмигјаслы археоложи газынтыларын апарылмасы планлашдырылыр.
Ҝоранбој рајону әразисиндә исә диаметри 30, һүндүрлүјү 3 метр олан курганын әтрафында 2 метрә јахын ени олан даш дүзүмүнүн-кромлехин олдуғу мүәјјәнләшдирилиб. Ејни заманда, бөјүк өлчүлү курганалты сәрдабә ашкар едилиб.
Үзәри ағаҹ тирләрлә өртүлмүш сәрдабәнин узунлуғунун 10, енинин 8 метрдән артыг олмасы еһтимал олунур.
Диггәт: Хәбәрдән истифадә етдикдә мәнбәјә истинад лазымдыр
