Әһли Бейт (әлейһимус сәлам) -АБНА- Хәбәр Аҝентлийинин вердийи хәбәрә әсасән,Азәрбайҹан Республикасында нәинки бүтүн мүсәлман тәригәтләринә, о ҹүмләдән бүтүн динләрә ейни вә йүксәк шәраит йарадылыб.
Буну Азәрбайҹанда сәфәрдә олан Русийа Федерасийасы Ингушетийа Республикасынын рәһбәри Јунусбек Јевкуров илә ҝөрүшдә Гафгаз Мүсәлманлары Идарәсинин (ГМИ) сәдри Шейхүлислам Һаҹы Аллаһшүкүр Пашазадә дейиб.
Пашазадә дейиб : “Азәрбайҹан вә Русийа арасында чох ҝүҹлү вә көкләри олан мүнасибәтләр вар. Биз үмид едирик вә ҝөзләйирик ки, сиз достларын, о ҹүмләдән Русийа президенти Владимир Путинин көмәйи илә ишғал олунмуш торпаглар, нәһайәт, гайтарылаҹаг, ДГ мүнагишәси сүлһ йолу илә һәлл олунаҹаг. Биз мүһарибә тәрәфдары йох, сүлһ тәрәфдарыйыг”.
Шейх Ингушетийа рәһбәри васитәсилә Шимали Гафгаз мүсәлманларына Рамазан байрамы тәбрикләрини дә чатдырыб.
Диггәт: Хәбәрдән истифадә етдикдә мәнбәйә истинад лазымдыр
