Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Әфганыстанын пајтахты Кабулда гадынларын футбол лигасынын финал мәрһәләси кечирлиб.
Финалда “Әфған” вә “Миһән” адлы ики јерли футбол командасы арасында ҝөрүш кечирлиб.
Ҝөрүш заманы Кабул футбол лигасынын икинҹи мәрһәләсиндә “Әфган” командасы 4:0 һесабы илә “Миһән” камандасыны мәғлуб едәрәк гәһрәман титулуну нөвбәти дәфә газаныб.
Билдирәк ки, Гадын футболу Әфганыстанда вәтәндашларын истигбалы илә гаршыланыб. Белә ки, Гадын Футбол Федерасијасы артыг Кабул, Бәлх, Һәрат, Сәрпол әјаләтләриндә гадынлардан ибарәт команда дүзәлтмәкә наил олуб.
Бу мүвәффәгијјәтин исә әсас сәбәби, Азәрбајҹан Республикасы, Фарс Көрфәзи әтрафындакы Әрәб өлкәләри вә саир Мүсәлман дөвләтләриндәки гадын футболчуларынын әксинә олараг Әфган гадынларынын футбол мејданчасында Һиҹаблы формада ојнамагларына имкан јарадылмасыдыр вә башлыҹа өзләринин шәхси истәјидир.
Гејд едәк ки, Әфган гадынлары Һиҹабы идманын бүтүн саһәләриндә олдуғу кими футболда да олмасынын тәрәфдары вә Һиҹабын һеч бир вәҹһлә идманчыја хәләл ҝәтирмәдијини билдирирләр.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
