Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Һәрби журналист, еһтиjатда олан полковник-леjтенант Үзеjир Ҹәфәров бир нечә ҝүн өнҹә ачыгламасында билдириб ки, азәрбаjҹанлы ҝенераллардан бири Русиjаjа гачыб. Ү.Ҹәфәров илк ачыгламасында адыны ҝизли сахладығы ҝенералын кимлиjини ачыглаjыб.
Һәрби журналистин сөзләринә ҝөрә, һәмин шәхс ҝенерал Бағыр Фәтуллаjевдир. О, Русиjада орду команданынын мүавини вәзифәсиндә чалышыб. Ү.Ҹәфәров билдириб ки, һәмин шәхс Сәфәр Әбиjевин вахтында Русиjа Силаһлы Гүввләриндә хидмәтдән тәхрис едилдикдән сонра она Силаһлы Гүввәләрин Академиjасында jүксәк вәзифә верилиб: “Бу jахынларда, онунла МН-нин рәһбәр шәхсләриндән бири арасында баш верән мүнагишәдән сонра ҝенерал Бағыр Фәтуллаjев һеч кимә демәдән, иҹазәсиз Москва шәһәринә ҝедиб. Маj аjынын 2-нә кими хидмәт jеринә гаjытмаjыб.
Сонда ону да геjд едим ки, бу ҝүн Азәрбаjҹан СГ-нин ән мәхфи мәлуматларына малик олан бәзи jүксәк постлары тутан шәхсләр дә вардыр ки, онларын аиләси Русиjа Федерасиjасынын Москва, Санкт-Петербург вә диҝәр шәһәрләриндә jашаjырлар. Өзләри исә бурда мин һоггалардан чыхараг әлләри чиркли ишләрә булашыб, рүшвәт вә коррупсиjа әмәлләри илә мәшғулдурлар. Онларын да адларыны чох jахын вахтларда ачыглаjаҹам”.
Диггәт: Хәбәрдән истифадә етдикдә мәнбәjә истинад лазымдыр
Axar.az
