Əһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ-ын мәшһур “Nеw Yоrk Тimes” гәзетиндә гәрб өлкәләринин Русијаја гаршы санксијалары илә бағлы ҝениш мәгалә дәрҹ олунуб. Мәгаләдә билдирилир ки, Русија президенти Владимир Путин артыг чохдан дүнјанын ән варлы дөвләт башчысы кими таныныр. Путинин варланмасына сәбәб онун Русија игтисадијјатынын ән ҝәлирли саһәләриндә чох бөјүк паја малик олмасыдыр. Мүхтәлиф вахтларда јајылмыш мәлуматлар ҝөстәрир ки, Русија дөвләт башчысынын варидаты 70 милјард ҹиварындадыр.
Мәгаләдә диггәт чәкән бир мәлумат да будур ки, 2006-ҹы илдә АБШ-ын о вахткы президенти Ҹорҹ Буш бәзи кечмиш совет республикалары рәһбәрләринин коррупсија нәтиҹәсиндә әлдә етдији малијјә вәсаитләри барәдә арашдырма апармаға ҝөстәриш вериб. Бунлардан бири дә Азәрбајҹан президенти Илһам Әлијевдир.
Гәзетин јаздығына ҝөрә, Бушун ҝөстәришиндән сонра Ағ ев Илһам Әлијевлә Беларус президенти Александр Лукашенконун малијјә вәсаитләри илә бағлы мәсәләләрә ҹидди диггәт јетирмәјә башлајыблар. Гәзет бу арашдырмаларын нә илә нәтиҹәләнмәси барәдә мәлумат вермир.
Азадлыг
Диггәт: Хәбәрдән истифадә етдикдә мәнбәјә истинад лазымдыр
