Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ Русиjаjа үнванлы санксиjалар тәтбиг едәҹәк
Индики мәрһәләдә Вашингтон Русиjаjа гаршы секторал, jәни игтисадиjjатын бүтүн саһәләрини әһатә едән санксиjалар jох, jалныз үнванлы санксиjалар тәтбиг едәҹәк.
Русиjа мәтбуатынын вердиjи хәбәрә ҝөрә, буну АБШ президентинин милли тәһлүкәсизлик мәсәләләри үзрә көмәкчисинин мүавини Бен Родс бу ҝүн деjиб.
“Биз диггәтимизи нәjә jөнәлдәҹәjик? О санксиjалар типинә ки, онлардан кечмишдә истифадә еләмишик. Бу санксиjалар Русиjа игтисадиjjатынын мүһүм активләринә малик аjры-аjры шәхсләрә, һәмчинин, Русиjа рәһбәрлиjинә jөнәләҹәк”, - деjә Обаманын әсас хариҹи сиjасәт мәсләһәтчиләриндән саjылан Родс билдириб.
Родс һабелә ҹәза тәдбирләринин сөзүҝедән шәхсләр вә обjектләрлә jанашы, “онлара бағлы тәшкилатлары” да әһатә едәҹәjини сөjләjиб. Онун сөзләринә ҝөрә, Русиjа игтисадиjjатына вә рәһбәрлиjинә ҹидди тәсир едәҹәк бу ҹүр санксиjаларын тәтбиги ҝәлән һәфтәнин әввәлиндән тәтбиг олуна биләр.
Диггәт: Хәбәрдән истифадә етдикдә мәнбәjә истинад лазымдыр
İslaminsei.az
