Әһли Бејт -АБНА- хәбәр аҝентлији- Апрел ајынын 20-нә тәсадүф едән Ҹәмадиүс-сани ајынын 20-си (м. 614-ҹү ил) әзиз Ислам Пејғәнбәри Муһәммәд Ибн Әбдуллаһ (сәлләллаһу әлејһи вә алиһ) назәнин гызы Фатимеји Зәһра (сәламуллаһи әлејһа) ханымын Мәккәдә дүнјаја гәдәм гојан ҝүнү, һәмчинин бу мүнасибәтлә Иран Ислам Республикасы тәрәфиндән гәбул едилмиш гәрара әсасән Гадынлар Бајрамы ҝүнүдүр. Бу ҝүн дүнја мүсәлманларынын ән севинҹли ҝүнүләриндән бири һесаб олунур.
Биз АБНА олараг дүнја Мүсәлманларынын бу севинҹинә гошулараг мисилсиз бајрам мүнасибәти илә башда Имам Заман (әҹҹәләллаһу фәрәҹәһу шәриф) Һәзрәтләри олмагла бүтүн бәшәријјәти сәмими гәлбдән тәбрик едир вә бу мөһтәшәм бајрамла әлагәдар сајтымызын зијарәтчиләринә Ханымлар ханымы Зәһра һәзрәтләринин һәјатын гыса шәкилдә тәгдим едирик.
Тәввәлүдү вә пак валидејинләри
Атасы Аллаһын (ҹәллә ҹәлалуһ) сонунҹу Елчиси вә бәшәријјәтин хиласкары һәзрәт Мүһәммәд ибн Әбдуллаһдыр (сәлләллаһу әлејһи вә алиһ). Анасы үммүл-мөминин Хәдиҹәдир (сәламуллаһи әлејһадыр). О Ислам Пејғәмбәриндән башга һеч бир кәс илә аилә һәјаты гурмамыш вә һәзрәти Пејғәмбәрин евинә ҝәлин ҝәлдији заман Ханым Хәдиҹәнин 28 јашы олмушдур.
“Фатимә” сөзүнүн мәншәји
Әрәбләр көшәјини сүддән ајырмыш диши дәвәјә “фатимә” дејирләр. Ананын өз ушағыны сүддән узаглашдырмасыны да әрәбләр ејни көкдән олан феллә ифадә едирләр. Ислам Пејғәмбәриндән (с) рәвајәт едилән һәдисләрдә исә бу адын мәнасы “ҹәһәннәм аловундан узаглашдырылмыш” кими изаһ едилир. Чүнки Аллаһ-тәала гијамәт ҝүнүндә ҹәһәннәм атәшини Фатимәдән (ә) вә Онун нәслиндән узаглашдыраҹағыны вәд етмишдир. Фатимәнин (сәламуллаһи әлејһа) мәшһур ләгәбләри бунлардыр: Зәһра (парлаг), Бәтул (иффәтли вә ја өзүнү Аллаһа һәср етмиш), Таһирә (пак), Мәрзијјә (Аллаһын разылығыны газанмыш), Сиддигә (доғруҹул), Зәкијјә (тәмизләнмиш), Сејјидәтүн-нисаил-аләмин (дүнја гадынларынын ханымы), Үмми Әбиһа (атасынын анасы; бу ләгәби Она Пејғәмбәр вемишди) вә с.
“Фатимә дүнја гадынларынын ханымыдыр”. Һәзрәт Мүһәммәд Пејғәмбәр (с) сәфәрә ҝедәндә ән ахырда Фатимә (сәламуллаһи әлејһа) илә видалашар, сәфәрдән гајыданда һамыдан әввәл Онун ҝөрүшүнә ҝәләрди. “Һәзрәт Фатимәнин (ә) тәсбиһи” кими танынан мәшһур зикри дә Она Пејғәмбәр өјрәтмишди.
Ханым Зәһра вә Ислама хидмәти
Һәзрәт Мүһәммәд Пејғәмбәр (с) Мәккәдә сон дәрәҹә ағыр бир шәраитдә Исламы тәблиғ етдији заман Фатимә (сәламуллаһи әлејһа) она мәнәви ҹәһәтдән јардым ҝөстәрир, тәһгир вә истеһзалары о һәзрәтдән узаглашдырмаға чалышырды. Һиҹрәт заманы Фатимә (ә) өз атасындан габаг Мәккәни тәрк етмәјә мүвәффәг олмамыш вә шәһәрдә галмыш, даһа сонра Имам Әли ибн Әбу Талибин (әлејһис сәлам) мүшајиәти илә Мәдинәјә ҝәлмишди.
Аилә Һәјаты
Пејғәмбәрин мүасири олан мәшһур мүсәманлардан бир нечәси Фатимә (ә) илә евләнмәк арзусунда олса да, нә Пејғәмбәр, нә дә Фатимәнин (ә) өзү буна разылыг вермәмишди. Јалныз Әли ибн Әбу Талибин (ә) елчилији онларын һәр икисинин разылығы илә гаршыланды. Имам Әли (ә) илә Фатимәнин (ә) тоју һиҹрәтин икинҹи илиндә, Бәдр дөјүшүндән сонра (м. 624-ҹү ил) баш верди. Фатимәнин (ә) меһријјәси 500 дирһәм иди (51 грам гызыл), Пејғәмбәр тәрәфиндән Она һәмин дөврүн дәбинә ујғун олараг, бир нечә әшјадан ибарәт ҹеһиз дә верилмишди. Чох садә бир аилә һәјаты сүрмүшдүр.
Имам Әли (ә) илә Фатимәнин (ә) аиләси 9 илә јахын (Фатимәнин (ә) вәфатына кими) мөвҹуд олмушдур. Фатимә (ә) һәјатда икән Әли ибн Әбу Талиб (ә) башга бир гадынла евләнмәмишди. Бу аилә Ислам тарихиндә ән меһрибан, ән үлви вә ән мөһкәм аилә сајылыр. Бу издиваҹдан Имам Һәсән (ә) вә Имам Һүсејн (ә) адлы ики оғул, Зејнәб гызы доғулду. Имам Әли (ә) илә Фатимәнин (ә) даһа бир оғлунун ана бәтниндә тәләф олдуғу барәдә мәлуматлар мөвҹуддур. Ислам мәнбәләриндә Пејғәмбәрин вәфатындан гыса бир мүддәт сонра Фатимәјә (ә) гаршы һәјата кечирилмиш физики тәзјигләрин нәтиҹәсиндә Мөһсин адлы һәмин көрпәнин бәтндә икән тәләф олдуғу билдирилир.
Тәгва, Иман вә Елми сәвијјәси
Фатимә (ә) Ислам тарихиндә һәдсиз иманлы, сон дәрәҹә иффәтли, сәхавәтли, елмли бир гадын кими јад едилир. Гыса өмрү әрзиндә дини вә дүнјәви мәсәләләрдә Мәдинә гадынлары үчүн әсл мүәллимә ролуну ојнамыш, мүраҹиәт едән һәр кәсә мәнәви вә мадди јардым ҝөстәрмишдир. Фатимә (ә) Гурани-кәримдә чиркинликдән тәмизләндији елан едилмиш (Әһзаб, 33) Әһли-бејтин (әлејһимус сәлам) бир үзвүдүр.
Һәзрәт Мүһәммәд Пејғәмбәр (с) Фатимәни (ә) “дүнја гадынларынын ханымы” адландырмышды. Абдуллаһ ибн Аббас рәвајәт едир ки, Пејғәмбәр бујурмушдур: “Ҝүндәлик беш намазыны гылан, Рамазан ајында оруҹ тутан, Аллаһын евинә һәҹҹә ҝедән, малынын зәкатыны верән, әринә табе олан вә мәндән сонра Әлијә (ә) Имам кими итаәт едән һәр бир гадын гызым Фатимәнин (ә) шәфаәти илә ҹәннәтә ҝирәҹәк, чүнки о, дүнја гадынларынын ханымыдыр”. Сорушдулар: “Мәҝәр Фатимә өз зәманәсиндә ки гадынларын ханымы дејилми? ”. Пејғәмбәр ҹаваб верди: “Өз зәманәсинин гадынларынын ханымы Имран гызы Мәрјәм иди. Фатимә исә дүнјанын әввәлиндән ахырына кими бүтүн гадынларын ханымыдыр” (Шејх Сәдуг. Әмали, LХХIII мәҹлис, 18-ҹи һәдис; ХХVI мәҹлис, 7-ҹи һәдис; Һәвизи. Тәфсирү Нурүс-сәгәлејн, I, 338)
Ханым Фатимә (сәламуллаһи әлејһа) Нүбуввәт вә Вилајәт мәгамларынын әсас вә һәгиги мәркәзидир
Ханым Фатимәји Зәһраны (сәламуллаһи әлејһа) вә Мәсум Имамлары (әлејһимус сәлам) олдуглары кими дәрк едә билмәрик. Ислам Пејғәмбәри (сәлләлаһу әлејһи вә алиһ) бујурур:
"يا علي! ما عرف اللّه حق معرفته غيري و غيرک و ما عرفک حق معرفتک غير اللّه و غيري."
Еј Әли! Аллаһы (ҹәллә ҹәлалуһ) олдуғу кими, Мән вә Сәндән башга һеш ким таныја билмәди вә сәни дә Аллаһ (ҹәллә ҹәлалуһ) вә Мәндән башга һеч ким таныја билмәјиб.
(Мәнагиб ибни Шәһри Ашуб: Ҹилд 3. Сәһифә 268)
Башга бир јердә исә бујурур:
«يا علي! لايعرف اللّه تعالي الا انا و انت و لايعرفني الا اللّه و انت و لا يعرفک الا اللّه و انا
Еј Әли! Аллаһы (ҹәллә ҹәлалуһ) Мән вә Сәндән баш һеч ким (олдуғу кими) танымыр, Һеч кимдә Аллаһ (ҹәллә ҹәлалуһ) вә Сәндән башга Мәни (олдуғу кими) танымыр вә һеч ким дә Сәни, Аллаһдан (ҹәллә ҹәлалуһ) вә Мәндән башга (олдуғу кими) танымыр.
(Рөвзәтүл Мүттәгин: Ҹилд 13. Сәһифә 273)
Али Тәглид Мәрҹәси Ајәтуллаһ Сејјид Әләви Гургани бујуруб:
Кәса һәдисиндә һәзрәти Ҹәбраил (әлејһис сәлам) Аллаһдан сорушдугда: “Аллаһым, Кәса (Әба) алтында оланлар кимләрдир?” Аллаһ Тәала ҹаваб олараг белә бујурур: “Онлар Фатимә, онун Атасы, Әри вә ушагларыдыр” јәни Ханым Зәһраны (сәламуллаһи әлејһа) јарадылыш даирәсинин мәркәзидир. Аллаһ (ҹәллә ҹәлалуһ), Ханым Зәһранын (сәламуллаһи әлејһа) вүҹудуну Атасы, Әри вә өвладларынын танынмасы үчүн мәркз нөгтәси гәрар вериб. Она ҝөрә ки, Кәса Һәдисиндә “Онлар Фатимә, онун Атасы...” дедикдә, јәни әҝәр Ханым Фатимә (сәламуллаһи әлејһа) олмаса, Ислам Пејғәмбәринин Ана вә Мәркәз нөгтәси дә олмајаҹаг- нәзәрдә тутулур...
Ханым Зәһранын (сәламуллаһи әлејһа) тәвәллүд һадисәси Ханымын әзәмәтидир...
Али Тәглид Мәрҹәси Ајәтуллаһ Сејјид Әләви Гургани бујуруб:
Бир чох ағалар Көвсәр сүрәсинин тәфсириндә, “Көвсәр” сөзүнү “Чохлу Хејр” мәнасында тәрҹүмә едирләр... Мәним нәзәримҹә бүтүн бу дејиләнләр доғрудур, һеч бир ирады да јохдур, лакин мүмкүндүр ки, “Көвсәр” сөзү үчүн башга бир тәфсир дә олсун... Белә ки, Пејғәмбәр ҹәнаблары “Әбтәһ” адлы бир јердә өз сәһабәләри илә әјләшмишдир. Һәзрәти Ҹәбраил Әмин (әлејһис сәлам) назил олду вә Пејғәмбәр (сәлләлаһу әлејһи вә алиһ) ҹәнабларына 40 ҝүн ибадәтлә мәшғул олараг, Ханым Хәдиҹәнин (сәламуллаһи әлејһа) јанына ҝетмәмәји әмр етди. Пејғәмбәр 40 ҝүн “Умму Һанинин” евиндә галды, 40-ҹы ҝүн, Пејғәмбәр (сәлләлаһу әлејһи вә алиһ) үчүн беһишт мејвәләриндән Хурма, Үзүм вә Көвсәр сују тәам олараг ҝәтиздирилди. Пејғәмбәр бу немәтләрдән једикдән сонра Ханым Хәдиҹәнин (сәламуллаһи әлејһа) јанына ҝетди вә һәмин ҝеҹә Фатимә (сәламуллаһи әлејһа) Ханымын нүтфәси ана бәтнинә дүшдү. Ханым Зәһранын (сәламуллаһи әлејһа) адларындан бири дә “Көвсәр”дир. Еһтимал олунур ки, Ханыма бу адын гојулма сәбәби онун нүтфәсиндә, беһиштдән ҝәтиздирилмиш Көвсәр сујунун мөвҹуд олмасыдыр. Вә Аллаһ Таала бујурдугда ки, “Биз Сәнә Көвсәр бәхш етдик...” (Көвсәр сүрәси, ајә 1) јәни “Еј Рәсулум! Биз Сәнә Көвсәр сујундан јаранмыш Фатимәни бәхш етдик”.
Һәзрәт Фатимәнин (сәламуллаһи әлејһа) кәламларындан нүмунәләр:
Аллаһ Тәаланын нишанәләри
Һәзрәти Фатимә (сәламуллаһи әлејһә) бујуруб: "Биз (Әһли Бејт әлејһим сәлам) Аллаһын (ҹәллә ҹәлалуһ) мәхлуглары илә рабитә васитәсијик. Биз Аллаһын (сүбһанәһу тәала) сечдикләријик паклыглар мәгамы, Аллаһын (әззә вә ҹәлл) ајдын дәлили, илаһи пејғәмбәрләрин варисијик."
(Нәһҹүл-һәјат, с. 35)
Мәсум Имамлар инсанлара Ханым Зәһра (сәламуллаһи әлејһә) исә Мәсум Имамлара нүмунәдир
Имам Һәсән Әскәри (әлејһис сәлам) бујурлар: “نحنُ حُجَجُ اللّهِ عَلى خَلقِهِ وَ فاطمةُ حُجةٌ عَليَنا” “Биз, Аллаһын мәхлуглары үчүн нүмунәјик. Фатимә (сәламуллаһи әлејһа) да бизим үчүн нүмунәдир.”
(Тәфсир Әтјәбул Бәјан, 13-ҹү ҹилд, 236 сәһифә)
Ханым Фатимәнин (сәламуллаһи әлејһә) кәламларында хошбәхт инсан
Һәзрәти Фатимә (әлејһә сәлам) бујуруб: "Хошбәхт о шәхсдир ки, (Имам) Әлини (әлејһи сәлам), о һәјатда оларкән вә онун өлүмүндән сонра да севсин."
(Биһарүл-әнвар, ҹ.27, с. 74)
Ханым Фатимәи Зәһра (сәламуллаһи әлејһә) Меһрибан Ана
"Еј Аллаһ! Сечдијин өвлија вә мүгәррәбләрә вә өлмәјимлә өвладларымдан ајрылдгдан сонра онларын ағламасы хатиринә, Шиәләрин вә бизим тәрәфдарларымызын ҝүнаһыны бағышла!”
Ҹәннәт аналарын ајағы алтындадыр
"Һәмишә ананын ајағына дүшүб хидмәтиндә ол. Чүнки ҹәннәт аналыр ајағы алтындадыр. О немәтләрин нәтиҹәси ҹәннәт олаҹаг.”
Оруҹ тутмағын фајдасы
“Һеч бир шеј дил, гулаг, ҝөз вә диҝәр үзвләри оруҹ кими нәзарәтдә сахлаја билмәз.”
Һәзрәтин евинә олунан һүҹумдан сонра Әбу Бәкрә хитаб едәрәк бујурду:
“Анд олсун Аллаһа, артыг сәнинлә данышмајаҹағам. Анд олсун Аллаһа, һәр бир намаздан сонра сәнә нифрин едәҹәјәм.”
Өмәр вә Әбу Бәкр, һәзрәтин ҝөрүшүнә ҝәлдикдә Ханым (әлејһә сәлам) бујурду:
“ Аллаһ вә мәләкләри шаһид тутуруг ки, сиз бизи гәзәбләндириб инҹитдиниз. Бизи разы етмәдиниз. Аллаһын рәсулу (с) илә ҝөрүшәндә сиздән шикајәт едәҹәјәм.”
Мүһаҹир вә әнсара хитаб едәрәк бујурду:
“ Мәндән узаг олун! Мәни өз һалыма бурахын! О гәдәр етинасызлыг вә сәһләнкарлығынызла ҝөрә сизинүчүн үзр јери галмајыб. Атам, Гәдир Хум ҝүнү сизин үчүн үзр истәмәјә (бәһанә) јери гојдуму?”
Ханым Фатимәјә үч ҝүн салам ҝөндәрмәјин савабы
Бујурду: “Истәр һәјатда истәр өлүмүмүздән сонра һәр кәс атама вә мәнә үч ҝүн салам ҝөндәрсә Аллаһ ҹәннәти она ваҹиб едәр.”
Һәзрәти Зәһра (сәламуллаһи әлејһа) Иффәт Мүҹәссәмәсидир
“ Гадынын өз шәхсијјәтини горумасы үчүн ән јахшысы одур ки һеч бир кишини ҝөрмәсин вә кишиләрә ҝөрсәнмәсин.”
Ханым Фатимәнин (сәламуллаһи әлејһә) һәјат јодлашы Әмирәл Мөмининә (әлејһи сәлам) вәсијјәти:
“Мәни өлүмүмдән сонра унутмајын мәним зијарәт вә ҝөрүшүм үчүн мәзарым үстә ҝәлин.”
Һәзрәти Зәһранын (әлејһә сәлам) кәламларында Шиәнин тәрифи
Бујурду:
“ Биз Әһли Бејтин (әлејһим сәлам) ҝөстәришләринә әмәл едиб нәһј етдикләримиздән чәкинсән, бизим Шиәләрдәнсән.”
Ханым Фатимәји Зәһранын (әлејһә сәлам) фани дүнјада сүвдији үч шеј
Ханым Фатимәи Зәһра (сәламуллаһи әлејһә)
“Мәним үчүн дүнјада үч шеј севимлдир: Гуран тилавәти, Аллаһ рәсулунун үзүнә бахмаг вә Аллаһ јолунда еһтијаҹлылара көмәк етмәк.”
Ҝиҝенија гајдалары
“Јемәкдән сонра әлләрини јумајан шәхс үчүн нараһатлыг үз версә өзүндән башгасыны гынамасын!”
Һәзрәти Фатимәји Зәһранын (сәламуллаһи әлејһә) кәламларында сағлам иҹтимаијјәтин јаранмасына сәбәб олан амилләр
“Аллаһ Тәала иҹтимаијјәтин ҹинајәт һадисәләриндән узагда галыб пак гәрар тапмасы үчүн шәрабы гдаған етмиш, киминсә Өз гәзәб вә нифрининә дүчар олмамасы үчүн налајиг бөһтанлардан узаг оламғы төвсијә етмиш, иҹтимаијјәтин пак, ејб вә гүсурсуз олмасы үчүн оғрулуг етмәји гадаған етмишдир.”
АБНА- Хәбәр Аҝентлији Сибтејнә истинадла
Диггәт: Хәбәрдән истифадә етдикдә мәнбәјә истинад лазымдыр
