Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Әрәб Республикасы бу ҝүн, 'Боко Һарам' адлы азғын “тәкфирчи” террор тәшкилатынын Ниҝеријада реаллашдырдығы террор һәрәкәтләрини гынајыб.
Сурија Хариҹи Ишләр Назирлији бу ҝүн нәшр етдији бәјанатында билдириб: “Сурија, 'Боко Һарам' адлы тәкфирҹи террор үнсүрләринин Ниҝеријада ҝүнаһсыз инсанлара, шаҝирдләрә вә Милли Ордуја гаршы төрәтдији гејриинсани террорчу һәрәкәтләрини нараһатлыгла изләјир.
Назирлик гејд олунан бәјанатда билдириб: “Тәкфирчи террор груплашмасы Пајтахтын шәһәрәтрафы милли нәглијјат гаражында бомба гурғулары илә јүклү бир автомобиллә реаллашдырдығы террор әмәлијјатында, 50 ҝүнаһсыз адамын һәјатына сон гојмуш вә онларла адамын да јараланмасына ҝәтириб чыхартмышдыр. Сурија һөкумәти инсанлыға сығмајан бомба илә һәјата кечирилмиш террор актыны шиддәтлә гынајыр.”
Сурија Хариҹи Ишләр Назирлији Сурија һөкумәтинин террора гаршы олдуғуну, Ниҝерија һөкумәти вә халгынын дәрдинә шәрик чыхдығыны, һабелә Ниҝерија Шәһид аиләләринә башсағлығы вердијини, јаралылара да тәҹили шәфалар тапмаларыны тәмәнна етдијини билдириб.
Назирлик бејнәлхалг аләмин азғын әл-Гаидә вә вәһһабилик ҹәрјанларындан доған тәкфирчләрә гаршы мәсулијјәти гәбул етмәклә бирликдә тәҹили вә тәсирли ишләр ҝөрмәји тәләб едиб.
Сурија Назирлији һәмчинин тәкфирчи вә радикал террор груплашмаларыны дүнја тәһлүкәсизлији вә сабитлијини тәһдид едән вә бејнәлхалг аләм үчүн ән бөјүк тәһлүкә һалына ҝәлдијини хәбәрдар едиб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
