Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливанын әл-Ҹумһуриjjә гәзети Тәһлүкәсизлик Гүввәләринә истинадла jазыб: “Ливан Һизбуллаһ Тәшкилаты jахын ҝәләҹәкдә азғын “тәкфирчи” груплашмаларындан ибарәт гондарма “Нүсрә Ҹәбһәси”нин Јәбруд шәһәриндә әлә кечиртдики сәнәдләри ифша етмәк фикриндәдир.”
әл-Ҹумһуриjjә гәзети даһа сонра билдириб ки, “Нүсрә Ҹәбһәси”ндән әлә кечирилән сәнәдләрдә Беjрутун ҹәнубундакы Заһиjjә (Шиәләрин компакт jашадыглары мәнтәгә) бөлҝәсинин хәритәси дә мөвҹуддур. Бу хәритәдә биналар вә мүхтәлиф мәнтәгәләрин азғын террорчу груплшмаларын әсас һәдәфләринә чеврилдиjи аjдын ҝөрүнүр.”
Ливан гәзети даһа сонра вурғулаjыб: “Һизбуллаһ Силаһлы Гүввәләри тәрәфиндән Суриjанын Јәбруд шәһәри там азад едилдикдән сонра, әлә кечән сәнәдләрдән там бәлли олуб ки, Јәбрудун сүгутундан өнҹә бомба илә гурашдырылмыш 15 әдәд машын ҝизли jолларла геjригануни сүрәтдә Ливанын дахилинә ҝөндәрилиб. Һәмчинин сәнәдләрдә Ливанда террорчулар илә әлагәдар олан бүтүн шәхс вә шәхсиjjәтләрин адлары вә кимликләри там дәгиг сүрәтдә билдирилир.”
әл-Ҹумһуриjjә гәзети даһа сонра jазыр: “Суриjадан Ливана кечән ҝизли вә геjригануни jоллар һәлә дә jараглыларын нәзарәти алтында галмагда давам едир. Ливан торпагларында исә ҹоғрафи шәраитин намүнасиб олмасы сәбәбиндән вә дағлара ҝедән кечидләрин демәк олар ки, мүмкүнсүз олмасы уҹбатындан геjд олунан ҝизли jоллара там нәзарәт етмәк чәтиндир. Һизбуллаһ Тәшкилаты да ады чәкилән мәнтәгәләрә нәзарәт мәгсәди илә патрул хидмәтиндән истифадә етмәклә jанашы мүхтәлиф кечид мәнтәгәләри дүзәлдәрәк jараглыларын мүмкүн террор әмәлиjjатларынын гаршысыны алмаға чалышыр.”
Ливан газети даһа сонра jазыр: “Бәзи тәһлилчиләрин нәзәринә ҝөрә, Ливан Һизбуллаһ Тәшкилатына сон заманлар олунан сиjаси вә физики һүҹумлар мәһз Ливандакы бәзи груплашмаларын вә сиjаси шәхсиjjәтләрин геjд олунан сәнәдләрин ифша олунмасына хатир кечиртдикләри һәjаҹанлара ҝөрәдир.”
Диггәт: Хәбәрдән истифадә етдикдә мәнбәjә истинад лазымдыр
