Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран ХИН рәһбәри: “Новруз Баjрамы Иран, Азәрбаjҹан вә Түркиjәнин ортаг мәдәни мирасыдыр
“Ҝәлән һәфтә Новруз Баjрамы геjд едәҹәjик. Бу баjрам Иран, Азәрбаjҹан вә Түркиjәнин ортаг мәдәни мирасыдыр вә бизи бир-биримизә даһа чох бағлаjыб”.
буну Иранын хариҹи ишләр назири Мәһәммәд Ҹавад Зәриф билдириб.
М. Ҹ. Зәриф Иран, Азәрбаjҹан вә Түркиjә хариҹи ишләр назирләринин мартын 14-дә Ван шәһәриндә баш тутан үчтәрәфли ҝөрүшү барәдә дә данышыб: “Ҝөрүш ҝөзәл кечди. Биз чох гиjмәтли ҝөрүш кечирдик, мәсләһәтләшмәләр апардыг. Топлантынын Ван шәһәриндә кечирилмәси Түркиjә вә Иран сәрһәдләри арасындакы мәсафәни 280 километрә ендирди вә jығынҹағын Ирана бу гәдәр jахын jердә баш тутмасындан мәмнунам”.
М.Ҹ.Зәриф деjиб ки, топлантыда 2014-2016-ҹы илләри әһатә едән үчиллик Фәалиjjәт Планы гәбул олунуб: “Үмидварам ки, бу планы һәjата кечирмәк, нәтиҹәjә наил олмаг, мүхтәлиф саһәләрдә фәалиjjәтә чевирмәк вә һәр үч өлкәни бир-биринә бағлаjан саһәләри инкишаф етдирмәк һәм халгларымызын фаjдасына олар, һәм дә бөлҝәдәки сүлһүн вә сабитлиjин тәмин едилмәсинә, игтисади мәнада да бөлҝәнин инкишафына jардымчы олар. Јығынҹагда енержи, нәглиjjат, туризм вә мәдәниjjәт мөвзулары дахил олмагла мүхтәлиф мөвзуларла бағлы фикир мүбадиләси апарылыб. Бунлар һәгигәтән бизим чох әһәмиjjәт вердиjимиз мөвзулардыр вә үч ил ичәрисиндә Фәалиjjәт Планы чәрчивәсиндә бунлары тамамилә һәjата кечирәҹәjик. Нөвбәти топлантынын Иранда кечирилмәсинин гәрара алынмасы һәм мәним, һәм дә өлкәм үчүн гүрурвериҹидир”.Назир Түркиjә-Иран әлагәләринә дә тохунуб: “Мән алты аj әввәл Иран хариҹи ишләр назири тәjин олунмушам. Бу мүддәт ичәрисиндә 8 дәфә Әһмәд Давудоғлу илә ҝөрүшмүшәм. Бу да ики өлкә арасында әлагәләримин нә гәдәр jахшы олдуғуну ҝөстәрир”.
Диггәт: Хәбәрдән истифадә етдикдә мәнбәjә истинад лазымдыр
