Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ислам Пеjғәмбәринин (сәлләллаһу әлеjһи вә алиһ) дүрданә гызы һәзрәти Фатимәи Зәһранын (сәламуллаһи әлеjһа) Шәһадәт ҝүнләри илә бағлы Әбүлфәзлил Әббас (әлеjһис сәлам) һәзрәтләринин һәрәми дә гара баjраглар вә парчалар илә бәзәнилиб.
Һәмчинин Имам Һүсеjнин (әлеjһис сәлам) һәрәми, Бәjнәл Һәрәмеjн, Тәлли Зеjнәбиjjә вә саир мүгәддәс зиjарәт мәркәзләринин ишыг вә чилчыраглары матәм әламәти олараг гырмызы нурла сачараг бүтүн Кәрбәла шәһәрини Шәһадәт рәнҝинә бүрүjүбләр.
Геjд едәк ки, Фатимиjjә Ҝүнләри о, ҝүнләрә деjилир ки, Ханым Фатимәи Зәһра (сәламуллаһи әлеjһа) һәмин ҝүнләр әрзиндә икинҹи хәлифә Өмәр ибн Хәттаб, Муғеjрә вә Өмәрин гулу Гонфоз тәрәфиндән өз евиндә дөjүләрәк, гапы илә дивар арасында сахланылараг ҹидди өлүмҹүл хәсарәтләр алыр. Нәтиҹәдә елә орадаҹа бәтниндәки 6 аjлыг оғлан ушағы (онун ады Мөһсүн иди Аллаһын саламы она олсун) зәрбәләр уҹбатындан jерә салынараг Шәһид олур вә ханым Фатимә Зәһра (сәламуллаһи әлеjһа) да үч ҝүн jатаға дүшдүкдән сонра дүнjасыны дәjишәрәк Шәһид олур.
Тарих jазыр ки, Өмәр вә Әбу Бәкр бу иши ҝөрдүкдән сонра Ханым Зәһранын (сәламуллаһи әлеjһа) ҝөрүшүнә ҝәләрәк ондан етдикләри һагсызлыглара ҝөрә һалаллыг алмаг истәсәләр дә лакин һәзрәти Фатимә (сәламуллаһи әлеjһа) гәзблә үзүнү дивара чевирәрәк онларла данышмыр вә дүнjадан көчдүкдә дә онлардан инҹили көчүр.
Ислам Пеjғәмбәриндән (сәлләллаһу әлеjһи вә алиһ) рәваjәт вардыр: “Фатимә мәним ҹанымын парәсидир. Һәр ким ону севиндирәрсә мәни севиндириб вә һәр ким мәни севиндирәрсә Аллаһ Тәаланы севиндириб. Һәр ким ону гәзәбләндирәрсә мәни гәзәбләндириб вә һәр ким мәни гәзәбләндирәрсә Аллаһы гәзәбләндириб”.
Аллаһ Тәала мүгәддәс Гуранында буjуруб: «Шүбһәсиз ки, Аллаһ вә онун Рәсулуну инҹидәнләрә, Аллаһ дүнjа вә ахирәтдә ләнәт еләмиш вә онлара рүсваjедиҹи әзаб һазырламышдыр». (Әһзаб-57)
Диггәт: Хәбәрдән истифадә етдикдә мәнбәjә истинад лазымдыр
