Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ҹүмә ҝүн Түркиjәнин Ван шәһәриндә ИИР, Азәрбаjҹан вә Түркиjә ХИН рәһбәрләринин ҝөрүшү кечирилиб.
Ҝөрүшдә Дағлыг Гарабағ мүнагишәси, Украjнада вә үмумиликдә реҝиондакы мөвҹуд вәзиjjәт мүзакирә олунуб. Һәмчинин ҝөрүш заманы игтисади вә сиjаси вәзиjjәт, реҝионал характерли проблемләр дә мүзакирә обjектинә чеврилиб.
Бунунла jанашы, Гафгаз вә Јахын Шәргдәки вәзиjjәт барәдә фикир мүбадиләси апарылыб. Еjни заманда, Азәрбаjҹанын әрази бүтөвлүjү вә НАТО-нун реҝиондакы фәаллығы мәсәләси мүзакирә мөвзусу олуб.
Түркиjә ХИН рәһбәри билдириб ки, мүзакирә мөвзуларындан бири Украjнадакы вәзиjjәт вә Иран Ислам республикасынын нүвә програмы үзрә данышыглар олуб.
3 өлкәнин ХИН рәһбәринин ҝөрүшүнүн jекуну үзрә Түркиjәнин хариҹи ишләр назири Әһмәд Давудоғлу деjиб: “Иран Ислам Республикасы, Түркиjә вә Азәрбаjҹан ХИН рәһбәрләринин нөвбәти ҝөрүшү Иран Ислам Республикасында кечириләҹәк”.
Геjд едәк ки, ХИН рәһбәрләринин бу форматда әввәлки ҝөрүшү өтән ил Нахчыванда кечирилиб.
Диггәт: Хәбәрдән истифадә етдикдә мәнбәjә истинад лазымдыр
