Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дүнjа Азәрбаjҹанлылары Һүгугларынын Мүдафиәси Ассамблеjасы “ДАҺМА” бәjанат jаjымлаjараг Али Тәглид Мәрҹәси Аjәтуллаһ Систани ҹәнабларынын Азәрбаjҹан Республикасы илә бағлы һадисәләри jахындан изләдиjи вә Һиҹаб Мәһбусларынын һаггында дуа етдикләри үчүн дәрин миннәтдарлығыны билдириб.
Бәjанатын там мәтни беләдир.
Дүнjа Шиәләринин Али Тәглид Мәрҹәси Аjәтуллаһ Үзма Систани һәзрәтләри (саjәниз үзәримиздән әскик олмасын) бизим сәмими сәлам вә ешгимизи гәбул един.
Азәрбаjҹан Республикасы әһалисинин 98%-и Мүсәлмандыр. Бунун исә 85%-и Он ики Имам Шиәләридир. Онлар Исламы Али Шәрәф вә Дин үнванында гәбул едиб онунла ифтихар едирләр.
Азәрбаjҹан Республикасынын тарихчәсинә гыса бир бахыш да буну ҝөстәрир ки, Ислам бу диjарын әсил һувиjjәтини тәшкил едир. Белә ки, бу диjар һәлә Совет империjасынын дәмир гапылары архасында һәбс олунмаздан өнҹә, Ислам Дүнjасына хеjли саjда үләма бәхш едиб. О, ҹүмләдән:
Шәһриjар Мәлик Шәрәф, мәрһум Шәһид Шеjх Гәни Бадкубеи.
Ирфан вә Фәлсәфә Устады, мәрһум Аjәтуллаһ Сеjjид Һусеjн Бадкубеи.
Бөjүк Фәгиһ вә Әмәл Саһиби мәрһум Мирза Әбдүл Ғәффар Ордубади.
Молла Сәдра Гәфгази ләгәби илә мәһшурлашан Аjәтуллаһ Сеjjид Муһәммәд Бадкубеи вә с-ә ишарә етмәк олар.
Бәли бир ҝүн Дин вә Диндарлығын, Елм вә Әдәб ҝәһварәси олан Азәрбаjҹан Республикасы Дүнjанын икинҹи Шиә өлкәсидир. Фарс шаири Мүнәҹҹим Јәзди демишкән: “Ба Тәшәjjо ҹәмаәтәш дәр миjане Ширваниjан шоһрәте тәмам дарәд” – jәни: Халгынын Шиәчилиjи илә, бүтүн Ширванлылар арасында мәшһурдур.
70 ил өмүр сүрән күфр вә атеист режими дағылдыгдан сонра, бу өлкәнин геjрәтли инсанлары динләринә әсасланараг арам һәjат тәрзи сүрмәjә чалышдылар. Лакин Гәрб өз истикбарчы сиjасәти илә, бу милләт үчүн башга планлар һазырлады вә бу чиркин планларын иҹрачысы исә, бу өлкәнин башчылары олду.
Белә ки, Азәрбаjҹан Республикасынын башчылары халгынын дини вә милли адәт-әнәнәләринин шанлы кечмишини унудараг, Мүсәлман халгын дини инанҹларына гаршы ҝенишмигjаслы һүҹума кечибләр.
Буна мисал олараг, Мәсҹидләрин дағыдылыб вә jахуд бағланмасы, Мәсҹидләрин минарәләриндән Азанын верилмәсинә гадаға гоjулмасы, рәсми сәнәдләрдә Һиҹабла шәкил чәкдирилмәсинә гадаға гоjмаг, телевизиjа каналларында Дини верлишләрә гадаға гоjулмасы, һәрби һиссәләрдә намаз гылынмасынын гадаған едилмәси, Елми Һөвзәләрин ачылышына иҹазә верилмәмәси, Али Тәглид Мәрҹәләринә аид офисләрин рәсми сүрәтдә фәалиjjәт ҝөстәрилмәсинә гадағалар тәтбиг етмәк, Һиҹаб Гадағасына етираз едән диндарлары һәбс етмәк, бәднам “евровисион 2012” фәсад мүсабигәсинин кечирилмәси, һәмчинин Муһәррәм аjында шәраб мүсабигәсинә старт верилмәси вә. с. ҹинаjәтләри ҝөстәрмәк олар.
Вәһһабилик, Бәһаилик, христианлыг, Түрк нурчулуғунун тәблиғи вә онларла күфр вә азғын фиргәләрин фәалиjjәтләринин ҝенишләндирилмәси бүтүн бунлар һаммысы анти-Ислам гәрб һөкмүдарларынын вә онларын Азәрбаjҹандакы әлалтыларынын ҝөрдүкләри ишләрдир.
Әһли Беjт (әлеjһимус сәлам) Ашигләринин белә бир чәтин анларында ҝөрүшүнүзә ҝәлмиш бир груп азәрбаjҹанлы зиjарәтчиләрә “Мәним саламымы зинданлардакы мүбаризләрә чатдырын вә онлара деjин ки, ҝеҹә ибадәтләриндә онлара дуа едирәм” демәниз дини мүдафиә етдикләри үчүн зиндана салынмышлара тәсәлли вә бүтүн Али-Мәһәммәд jетимләри үчүн үмид сәбәби олду.
“Бөjүк бәла” ҝүнүнүн нүмунәләриндән олан ҝүндә, һамымызын имтаһан анларыны jашадығымыз заманда олдуғумуза ҝөрә, Азәрбаjҹан Республикасында баш верән һадисәләри изләjиб, һиҹаб мәһбусларыны мүдафиә етдиjи үчүн Али Мәгамлы Тәглид Мәрҹәсинә дәрин миннәтдарлығымызы билдиририк. Сәмими гәлбдән онун үчүн Аллаһ Тәаладан узун вә иззәтли өмүр сүрмәсини истәjирик.
Вәссәламу әләjкум рә рәһмәтуллаһи вә бәрәкәтуһ
Дүнjа Азәрбаjҹанлылары Һүгугларынын Мүдафиәси Ассамблеjасы
Диггәт: Хәбәрдән истифадә етдикдә мәнбәjә истинад лазымдыр
