Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Малазиjанын танынмыш ислаһатчыларындан бири саjылан Си Ти Әли сонунҹу мәгаләсиндә Малазиjа һөкүмәтинин Мүсәлманлар арасында Сүнни – Шиә тәфригәси салан сиjасәтләрини гынаjыб.
Ислаһатчы Си Ти Әли “Фиргәчиликдән Әл Чәкин” башлыглы мәгаләсиндә Малазиjа һөкүмәтинә сәсләнәрәк, “фиргәчилик сиjасәтләринин” аҹы агибәтинә ишарә едиб, бу ишин мәншәjинин jалныз ловғалыг олдуғуну билдириб.
Сиjаси фәаал, мәгаләнин давамында билдириб: “Сиjасәтчиләримиз өз чиркин әмәлләрини тәмизә чыхартмаг үчүн, ишләринин Малазиjа халгы тәрәфиндән дәстәк алдығыны билдирирләр”.
Хатырладаг ки, өтән илин сентjабр аjындан башланараг Малазиjада һөкүмәт даирәләри чәрчивәсиндә Шиәфобиjа сиjасәтләринә старт верилиб. Белә ки, Малазиjанын мемары кими татынан, сабиг баш назир Маһатир Муһәммәд мәһз Әһли-Беjт (әлеjһимус сәлам) Мәктәбинин өлкәдә рәваҹ тапмасындан вә ҹаван күтләнин бу мәктәбә меjл ҝөстәрмәсиндән һиддәтләнәрәк, Әһли-Беjт (әлеjһимус сәлам) тәфәккүрүнүн өлкәдә jаjылмасына манеә төрәдилмәсини тәләб едиб...
Малазиjа баш назир шөбәсиндә “Ислам Ишләри” үзрә назирлиjин рәһбәри Ҹәмил Хеjр исә, “Шиә вә либерализм тәһлүкәси илә гаршы-гаршыjа Иманын ҝүҹләндирилмәси” адлы анти-Әһли-Беjт (әлеjһимус сәлам) иҹласда кәскин чыхышлар едәрәк, Шиә Мәзһәби илә мүбаризәдә өлкәдәки саир партиjаларын да актив иштирак едәҹәкләринә үмидвар олдуғуну билдириб.
2013- ҹүилин декабр аjында исә Малазиjада бөjүк сиjаси партиjа саjылан “Малазиjа Бирләшмиш Милләтләр Тәшкилаты (УМНО Јоутһ)” партиjасынын ҝәнҹләр шөбәси, Малазиjа парламентинин диҝәр нүмаjәндәләринә мүраҹиәт едәрәк, Федерал өлкәнин ганун әсасларында Малазиjада jалныз Әһли Сүннәт мәзһәбинин давамчыларынын рәсми Мүсәлман кими танынмасыны тәклиф едиб.
Диггәт: Хәбәрдән истифадә етдикдә мәнбәjә истинад лазымдыр
