Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагын Паjтахты Бағдад шәһәринин шималында jерләшән “Н” саjлы һәрби дүшәрҝәсиндә камиказе әмәлиjjатыны һәjата кечиртмәк истәjән азғын “вәһһаби” jараглысы, Ираг Тәһлүкәсизлик Назирлиjинин Әмәкдашлары тәрәфиндән ҝүлләләнәрәк jериндәҹә мәһв едилиб.
Бағдадын Әмәлиjjат үзрә командири Әмид Сәид Муин, бу һагда ачыглама верәркән билдириб: “Өтән ҝүн, 24 Јанвар, 2014 тарихдә “вәһһаби” jараглыларындан бир нәфәри бомба илә гурашдырылмыш машыны Һәрби Дүшәрҝәнин дахилинә салараг партлатмаг истәдикдә, Ираг Тәһлүкәсизлик Гүввәләринин әмәкдашлары тәрәфиндән өнҹәдән мүәjjәнләшдирилмиш плана әсасән гаршысы алыныб”.
Бригадир Әмид Сәид Муин даһа сонра вурғулаjыб: “Биз, террорчуну өнҹәдән мүәjjәнләшдирдикдән сонра террор һадисәсинин гаршысыны алмаг үчүн камиказе әмәлиjjатыны төрәтмәк истәjән jараглыны елә jөнәлтдик ки, “Һур Паша” мәнтәгәсиндәки һәрби кечид мәнтәгәсинә jахыналшсын. Ҝөзләдиjимиз кими дә олду”.
“Јараглы, һәрби кечид мәнтәгәсинә jахынлашдығы заман машына хәсарәт варид етмәдән автомат силаһлардан атәш ачараг, террорчуну jериндәҹә зәрәрсизләшдирдик” – деjә командир билдирди.
Диггәт: Хәбәрдән истифадә етдикдә мәнбәjә истинад лазымдыр
