Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Президенти Һөҹҹәтүл Ислам вәл Мүслимин Доктор Һәсән Руһани, Түркиjә Хариҹи Ишләр Назирлиjи, jени “Османлы иператорлуғу”нун баниси, Әһмәд Давуд Оғлу илә кечирдиjи ҝөрүшдә, һәр ики өлкә арасындакы игтисади әлагәләрин ҝенишләндирилмәсинин һәмчинин ики өлкә арасында мүбадилә сәтһинин jүксәлмәси jөнүндә лаjиһә һазырланмасыны мүсбәт гаршылады.
Доктор Руһани ҹәнаблары Јахын Шәрг Мәнтәгәсиндә баш верән дәjишиликләр, о ҹүмләдән “террор вә радикаллыг”ла мүбаризә, “өлкәләрин әрази бүтөвлүjү вә бирлик”ин горунуб сахланмасы, “тәһлүкәсизлик” мәсәләсинин ҝүндәмдә олмасы кими мәсәләләрин Түркиjә вә Иран Ислам Республикасы арасында мүштәрәк сиjасәт олдуғуну геjд едәрәк, бу зәминәләр барәсиндә һәр ики дөвләтин даһа да ҹидди аддымлар атмасыны истәjиб.
Һөҹҹәтүл Ислам вәл Мүслимин Һәсән Руһани ҹәнаблары, Иран Ислам Республикасы вә Түркиjәнин, Суриjанын мөвҹуд дуруму һагда бәзи мәсәләләрин хүсуси илә дә, бу өлкәнин гачгынларына jардым етмәк мәсәләсини дәjәрләндирәрәк билдириб: “Һәр ики өлкә, Суриjада дахили мүһарибәнин даjандырылмасы, jур-jуваларындан дидәрҝин дүшмүш гачгынларын евләринә гаjтарылмасы, тәһлүкәсизликин бәргәрар олмасы, jараглыларын өлкәдән чыхарылмасы, бөһранын сүлһ jолу илә һәлл олмасы кими мәсәләләрдә нәзәрләри үст-үстә дүшүр”.
Иран Ислам Республикасынын Президенти даһа сонра тәкид едәрәк билдириб: “Суриjа бөһранынын һәлл олунмасынын һеч бир һәрби jолу jохдур. Бөһранын арадан галдырылмасы үчүн илк өнҹә силаһлы террорчу дәстәләр илә Суриjа Һөкүмәти арасында ҹидди мүзакирәләр апарараг, бу өлкәни пат- чыхылмаз вәзиjjәтиндән хилас етмәк лазымдыр”.
Диггәт: Хәбәрдән истифадә етдикдә мәнбәjә истинад лазымдыр
