Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан һөкумәти Мексикада һәjата кечирмәли олдуғу 3.8 милjардлыг потенсиал инвестисиjа лаjиһәләрини даjандырыб. Бу барәдә мәлуматы Канаданын мәшһур «Тһе Gazzеtе» нәшри ноjабрын 7-дәки саjында дәрҹ едиб.
Гәзет jазыр ки, Мексика һакимиjjәтинин иҹтимаи тәзjиги нәзәрә алараг кечмиш совет республикасынын рәһбәри Һеjдәр Әлиjевин һеjкәлини паjтахтдакы паркдан ҝөтүрмәси Азәрбаjҹан һөкумәтинин белә бир аддым атмасына сәбәб олуб.
«Тһе Gаzzеtе» нәшри бу һагда деjир: «Нефтлә зәнҝин Азәрбаjҹан Һеjдәр Әлиjевин һеjкәлинин уҹалдығы паjтахт Мехикодакы паркын гурулмасы үчүн 5 милjон доллар аjырмышды. Амма шәһәрин бир сыра сакинләри һеjкәл саһибинин инсан һаглары вә демократиjа саһәсиндә мәнфи репутасиjасыны нәзәрә алараг онун дәрһал ҝөтүрүлмәсини тәләб едирдиләр. Шәһәр рәһбәрлиjи иҹтимаи рәjи нәзәрә алараг бу илин jанвар аjында һеjкәли паркдан ҝөтүрдү. Азәрбаjҹанын Мексикадакы сәфири Илгар Мухтаров өлкәсинин Мексика игтисадиjjатынын мүхтәлиф саһәләриндә реаллашдырмалы олдуғу инвестисиjа лаjиһәләрини һеjкәлин ҝөтүрүлмәсинә ҝөрә дондурдугларыны тәсдиг едиб. Инвестисиjаларын әсасән Мексиканын енержи секторуна jатырылмасы нәзәрдә тутулмушду".
Диггәт: Хәбәрдән истифадә етдикдә мәнбәjә истинад лазымдыр
