Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ливан Һизбуллаһ Мүгавимәт Тәшкилатынын Баш Катиби Һөҹҹәтүл Ислам вәл Мүслимин Сеjjид Һәсән Нәсруллаһ ҹәнаблары, Имам Һүсеjн (әлеjһис сәлам) әзадарлыг мәҹлисләринин тәшкилатчы идарәсинин мәсул шәхсләри илә ҝөрүшдә билдириб: “Тәкфирчи, сәләфи груплашмалры тәрәфиндән Ашура Мәҹлисләрини террор һәдәфинә алаҹаглары илә бағлы верилән бәjанатлары, нә инки бизә белә мәҹлисләри хүсуси шөвглә кечирмәjимизә вә даһа да акитв олмағымыза гүввәт верир, һәтта бу нөв бәjанатлар сәбәб олур ки, биз чыхшларымыз заманы Ислам Үммәти арасында вәһдәтин даһа да мөһкәмләнмәсинә сәбәб олан, мәзһәб гаршыдурмасы jаратмаjан хүтбәләр сөjләjәк”.
Сеjjид Һәсән Нәсруллаһ чыхышы заманы бир чох мәсәләләрә тохундугдан сонра, Суриjа мәсәләләри һагда да данышараг билдириб: “Дүшмән гүввәләри Суриjада һеч бир сиjаси дәjишиликләрин вә ислаһатларын апарылмасы леһинә деjилдир. Онларын мәкирли планлары, Фәләстин вә Ливан Мүгавимәт Тәшкилатлары архасында даjанмыш Суриjа Мүгавимәт Дөвләтини дағытмагдыр. Елә биз дә буна ҝөрә, Суриjа һөкүмәти тәрәфиндә мөһкәм даjанмышыг”.
Ливан Һизбуллаһ Тәшкилатынын Баш Катиби даһа сонра билдириб: “Дүшмән гүввәләринин Суриjа Һөкүмәтинә гаршы планларынын бөjүк һиссәси - ки, бәзи гоншу өлкәләрин тәлашлары саjәсиндә Суриjада бөһранын сиjаси jолларла һәлл олмасына манеәчилик төрәдирдиләр,- артыг зәрәрсизләшдирилиб”.
“Суриjа бу бөһраны мүтләг ҝеридә гоjаҹаг. Бу өлкәнин проблеми сөзсүз ки сиjаси jолларла өз һәллини тапаҹаг, хүсуси илә белә бир дөнәмдә ки, мүһарибә jолу илә мөвҹуд бөһранын һәлл олунмасы артыг далана дирәниб. Әминликлә деjә биләрик ки, биз артыг гаршыда ҝәлән тарихи гәләбәни геjд етмәк үчүн сон анлары jашаjырыг”.- деjәрәк, Сеjjид Һәсән Нәсруллаһ ҹәнаблары там jәгинликлә геjд етди.
Диггәт: Хәбәрдән истифадә етдикдә мәнбәjә истинад лазымдыр
