Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, әл-Вифаг Парттиjасынын Баш Катиби Шеjх Әли Сәлман өлкәдә али хәлифә сүлаләсинин ҹинаjәтләринә тохунараг елан едиб: “Дөрд мин вәтәндаш, дини вә сиjаси бәһанәләрлә дөвләт идарәләриндән говулуб”.
Шеjх Әли Сәлман белә бир суал ортаjа гоjараг билдириб: “Нә үчүн ишдән говулуб чыхардылан вәтәндашлар, өз һүгугларынын бәрпасы үчүн Һөкумәт jурисдиксиjаларында Факт-Арашдырыҹы Комитәjә мүраҹиәт етмирләр?
Бунун сәбәби һамыjа мәлумдур. Бу комитә онларын һүгугларыны мүдафиә едәҹәк, лакин дөвләт органлары исә бу jөндә һеч бир мүсбәт аддым атмаjаҹаглар”.
Шеjх Әли Сәлман сонда билдириб: “Шиә вәтәндашлары, һабелә дөвләтин мүхалифәтчиләри өз ишләриндән говулдуглары бир заманда режим, һәким вә мүһандисләрин бош галдыглары jерләри хариҹи өлкә вәтәндашлары илә долдурур. Бу елә бир һалда баш верир ки, режим анти-Шиә сиjасәтләри үзәринә көлҝә салмаг үчүн хариҹи вәтәндашларын әксәриjjәтинә аз бир мүддәт әрзиндә Бәһреjн вәтәндашлығы верир”.
Диггәт: Хәбәрдән истифадә етдикдә мәнбәjә истинад лазымдыр
