Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мисирин нүфузлуи Шиә Руһаниси Мәһмуд Ҹабир, өлкә Назиринә мәктуб үнванлаjараг, бир нечә сәләфи груплашмалары тәрәфиндән вәтәндашларын хүсуси илә дә Әһли-Беjт (әлеjһимус сәлам) Мәктәбинин давамчыларынын һәдәфә алынараг өлүмлә һәдәләндиjини билдириб.
Руһани мәктубда jазыб: “Сәләфи үнсүрләри, Шиәләрә хәбәрдарлыг едәрәк билдирибләр ки, “Гәдир Хум” мәрасимини кечирәҹәjиниз вә шадланаҹағыныз тәгдирдә, ганызы һалал едәҹәjик”.
Нуфузлу Руһани даһа сонра Мисирин азғын сәләфи груплашмаларына истинад едәрәк билдириб: “Сәләфиләр вурғу илә геjд едәрәк илдирибләр: Биз әл-Әзра Килсәсини партлатдығымыз кими сизә (Шиәләрә) етдиjимиз һәдәләримизи дә һәjата кечирәҹәjик”.
Мәһмуд Ҹабир сонра тәкид едәрәк деjиб: “Бунлар һәмин о кәсләрдир ки, Ҹизә әjаләтинин Әбу Муса кәндиндә Муһәммәд Һәсән Шәһһатәни фаҹиәви шәкилдә Шәһид етдиләр”.
Руһани мәктубун сонунда jазараг билдириб: “Сәләфи jараглылары Мисирин 90 нүфузлу Шиә руһанисини өз гара сиjаһыларына алараг террор етмәк әзминдәдир”.
Диггәт: Хәбәрдән истифадә етдикдә мәнбәjә истинад лазымдыр
