Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Милли Шуранын үзвү, Ислам Партиjасы Баш Мәҹлисинин үзвү вә Нардаран Ағсаггаллар Шурасынын сәдри Натиг Кәримов деjиб: “Әввәла, бу сечкини һеч сечки адландырмаздым. Сечки просеси 100 фаиз сахтакарлыгла мүшаjиәт олунду, һәм сакит кечән jерләрдә, һәм дә мүшаһидәчиләрин чох олдуғу мәнтәгәләрдә зор тәтбиг еләмәклә тамамилә сахтакарлыгла кечирилди. Сахтакарлығын һәдди-һүдуду олмады. Мән чох сечкиләрдә иштирак етмишәм, мүшаһидә етмишәм, мүшаһидәчи, вәкил олмушам, амма бу гәдәр сахтакарлыг ҝөрмәмишәм. Сөзүн әсл мәнасында Аллаһдан горхмаjан инсанлары ҝөрдүм бу сечкиләрдә. АТӘТ-ин сечкиләрлә бағлы рәjи илә разыjам, дүшүнүрәм ки, һәлә хеjли jумшаг ифадә олунуб”.
Сечки просесини изләдиjини геjд едән Н.Кәримов Бакы әтрафы гәсәбәләрдә мүшаһидә апардығыны вә ҹидди сахтакарлыгларын шаһиди олдуғуну билдирди: “Мәнә чох jердән хәбәр верирдиләр, әлләримизи тутуб бүллетен атырдылар. Нардаранда сахтакарлыг сечки вахты олмады, амма сонрадан рәгәмләри шиширтдиләр. Сечкинин сонунда мән мәнтәгәләрдән бириндә сәсләрин саjылмасы просесиндә иштирак етдим. Мәнтәгәнин бағланмасына 15-20 дәгигә галмыш бир нәфәр ҝәлди, үзәриндә һеч бир сәнәди, вәсигәси jох иди. Әлиндә дә бир дәстә, тәхминән 300-ә jахын бүллетенә бәнзәjән кағыз варды. Әввәлҹә кечиб комиссиjа сәдри илә данышдылар, ардынҹа исә бүллетенләри сахталашдырдылар. Сонра исә мәнә деjир ки, һәҹи, истәсән сәнә протокол верәк. Орда галмагал jарада биләрдик, амма бу адамлар кәндин мүәллимләридир, кәндимиздә ушаглара дәрс деjирләр. Бу гәдәр сахтакарлыг етдиләр, Аллаһдан да горхмурдулар. Бизим ҹамаат Аллаһдан горхан адамлардыр, һәтта ичләриндә һаҹы, кәрбәлаjи оланлар да варды. Мәсәлә Һәҹҹә, Кәрбәлаjа ҝетмәклә деjил, инсанын өзүндә Аллаһа иман олмалыдыр”.
Сечки просесинин там ганунсуз кечдиjини геjд едән Нардаран ағсаггалы диндарларын бөjүк әксәриjjәтинин Милли Шураны дәстәкләдиjини вә сечки сахтакарлыгларына гаршы мүбаризәни давам етдирәҹәкләрини билдирди: “Мән ҝүндүз Нардаранла jанашы, Маштаға, Билҝәһдәки мәнтәгәләри ҝәздим, иштирак фаизи чох ашағы иди. 15-20 фаиз ола-олмаjа. Амма ахшам нәтиҹәләр елан олунанда мәлум олду ки, ҝуjа 80 фаиз иштирак олуб, чохлуг да Илһам Әлиjеви сечиб. Аjдын мәсәләдир ки, бу сәсләр сонрадан гутулара долдурулан бүллетенләр һесабына олуб. Бунун ҹанлы шаһидләри дә вар. Амма Аллаһ һәр шеjи ҝөрүр ахы. Бизим мүбаризәмиз давам едир. 1000-дән артыг мәнтәгәдә ганун позунтусу илә бағлы әлдә сәнәдләр вар. Бу мәлуматларын һамысыны иҹтимаиләшдирмәк вә бунунла да бу адамларын сахтакарлыг етдикләрини бүтүн дүнjаjа ҝөстәрмәк лазымдыр. Биз Милли Шурада фәалиjjәтимизи давам етдиририк, гәбул олунан гәрарлары иҹра етмәjә һазырыг. Гәләбәjәҹән Милли Шуранын jанындаjыг, әлимиздән нә ҝәлирсә едәҹәjик”.
Геjд едәк ки, Ислам Партиjасынын президент сечкиләри илә бағлы мөвгеjиндә һачаланма олуб. Сентjабрын 6-да АИП Баш Мәҹлиси Илjас Исмаjыловун намизәдлиjини дәстәкләмәклә бағлы гәрар вериб. Анҹаг партиjанын һәбсдә олан сәдри бу гәрара гошулмаjыб вә сечкиләрини боjкот етдиjини ачыглаjыб. Еjни заманда бунунла jанашы һәм Милли Шураjа, һәм дә И.Исмаjылова уғур арзуладығыны бәjан едиб. Сечкиләрдән дәрһал сонра ачыглама верән АИП сәдринин мүавини Акиф Һеjдәрли медиафорум.аз саjтына ачыгламасында нәтиҹәләрдән разы галмадыгларыны, Илjас Исмаjылова аз сәс jазылдығыны билдириб. Ситат: “Сәсвермә ҝүнү ҝүнортадан сонра ҝүҹлү ганун позунтуларынын олдуғу һагда мәлуматлар алмышыг. Бунлар күтләви характер дашымаса да, сечкинин нәтиҹәсинә тәсир едән амилләрдир. Илһам Әлиjевин сәс чохлуғу газанмасына шүбһә илә jанашмырам, амма онун 84 фаиз сәс топламасы бир гәдәр суал алтындадыр”.
Диггәт: Хәбәрдән истифадә етдикдә мәнбәjә истинад лазымдыр
