Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн октjабрын 5-дә Мүхалиф Милли Шуранын президентлиjә намизәди Ҹәмил Һәсәнли Бакыда сечиҹиләрлә ҝөрүш-митингдә чыхыш едәркән платформасынын әсас һиссәләрини ачыглаjыб.
Ҹәмил Һәсәнли чыхышына Дағлыг Гарабағ мүнагишәсиндән башлаjыб: “Јени Азәрбаjҹан Партиjасы һакимиjjәтдә олдуғу 20 илдә, о ҹүмләдән һазыркы дөвләт башчысы игтидарда олдуғу 10 илдә 10 метр торпағы ишғалдан азад етмәjиб. Халг торпагларымызын азад олунмасы үчүн нә гәдәр ҝөзләмәлидир? Бунлар даһа нечә ил һакимиjjәтдә галмалыдыр ки, бир гарыш торпаг азад етсинләр? Коррупсиjаjа уғрамыш һакимиjjәт һеч вахт торпагларымызы ишғалдан азад едә билмәз. Бунлар бүтүн истедадларыны халгын варыны, малыны мәнимсәмәjә, коррупсиjа илә варланмаға һәср едибләр. Биз һакимиjjәтә ҝәләҹәjимиз тәгдирдә халгын ләjагәтли өвладларынын, ҝәнҹләрин көмәjи илә торпагларымызы ишғалдан азад едәҹәjик”.
Намизәд геjд едиб ки, Милли Шуранын сечки платформасы сиjаси, игтисади, мәдәни, мәнәви саһәләрдә көклү ислаһатлары нәзәрдә тутур: “Иjирими илдир халгымыз демократик сечки һәсрәтиндәдир. Биз һакимиjjәти формалашдырмаг һаггыны халга гаjтараҹағыг. Һакимиjjәтин мәнбәjи халг олмалыдыр вә олаҹаг”.
Ҹәмил Һәсәнли деjиб ки, сон он илдә бир чох демократик гануна анти-демократик дүзәлишләр едилиб, Милли Мәҹлис әввәлки илләрдә демократик дүнjанын тәкидләри илә гәбул олунмуш сивил ганунлары тәмир едән органа чеврилиб: “Инди авторитар ганунларын һөкм еләдиjи өлкәjә доғру ҝедирик. Амма буна имкан вермәjәҹәjик. Һеч бир диктатура халгын ирадәси гаршысында дуруш ҝәтирә билмәз”.
Милли Шуранын намизәди өлкәнин бөjүк кадр потенсиалынын олдуғуну вурғулаjыб вә чох саjда истедадлы инсанын ганунсузлуглар уҹбатындан вәтәндән баш ҝөтүрүб ҝетдиjини деjиб: “Русиjада ики милjона jахын, Украjнада беш jүз минә jахын, Түркиjә вә Авропа өлкәләриндә үч jүз минә jахын азәрбаjҹанлы бир парча чөрәк үчүн чалышыр. Биз вәтәндән дидәрҝин салынмыш соjдашларымызы Азәрбаjҹана дәвәт едәҹәjик. Онлара вәтәнә хидмәт етмәк имканы вериләҹәк”.
Ҹәмил Һәсәнли һакимиjjәтә ҝәләҹәjи тәгдирдә нефт ҝәлирләринин халга гаjтарылаҹағыны вә бунун реаллашмасы үчүн нефт һаггында ганун гәбул олунаҹағыны деjиб: “Мән он ил парламентдә тәмсил олундум. Бу он илдә дәфәләрлә нефт һаггында ганунун гәбул олунмасыны тәклиф етдим. Амма jахын гоjмадылар. Бу өлкәдә биjан көкү һаггында ганун вар, амма нефтлә бағлы ганун jохдур. Чүнки һакимиjjәт нефти өз малы һесаб едир”.
Милли Шуранын намизәди мәһкәмә һакимиjjәтинин мүстәгиллиjинин тәмин олунаҹағыны, бүтүн тәбәгәләрдән олан вәтәндашларын маашларынын, о ҹүмләдән пенсиjаларын артырылаҹағыны вәд едиб. О, мәмурлара сәсләнәрәк деjиб: “Бәзиләри дөвләт органларында белә бир тәблиғат апарырлар ки, аjыг олун, Милли Шура һакимиjjәтә ҝәлсә, һамыны ишдән чыхараҹаглар, тәмизлик ишләри апараҹаглар. Мән мәмурлары нараһат олмамаға чағырырам. Беш-он нәфәрдән башга һеч кимә тохунмаг ниjjәтимиз jохдур. Һамы ишиндә галаҹаг. Еjни тәблиғаты полисләр арасында да апарырлар. Полис гардашларымызын нәзәринә чатдырырам ки, һакимиjjәтә jахын олан беш-он шәхси чыхмаг шәрти илә һеч кимә тохунулмаjаҹаг”.
Ҹәмил Һәсәнли мүәллимләри һакимиjjәтин сечки сахтакарлығы планларында jер алмамаға чағырыб вә геjд едиб ки, Милли Шура һакимиjjәтә ҝәләҹәjи тәгдирдә онларын ләjагәтли һәjатыны тәмин етмәк үчүн әлиндән ҝәләни әсирҝәмәjәҹәк, буна наил олаҹаг.
Чыхышынын сон бөлүмүндә jенидән Гарабағ проблеминә тохунан Ҹәмил Һәсәнли белә бир чағырыш едиб: “Гарабағсыз кечирдиjимиз илләрә бәсдир!”
Диггәт: Хәбәрдән истифадә етдикдә мәнбәjә истинад лазымдыр
