Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ниҝерија Федератив Республикасынын Кадунај шәһәриндә фәалијјәт ҝөстәрән “Ислами Вәһдәт Тәшкилаты”, Сүнни вә Шиә мәзһәбләри арасында вәһдәтин горунуб сахланмасы наминә конфранс тәшкил едиб.
Конфрансда чыхыш едән Молла Мухтар Сәһаби, вәһдәтин горунуб сахланмасыны бүтүн Мүсәлманлар үчүн бир вәзифә олдуғуну билдирәрәк дејиб: “Мүсәлманлар арасында вәһдәтин горунуб сахланмасы ејни илә, Ҝүндәлик Намазлар, Зәкат, Һәҹҹ вә .с. ганунлар кими Аллаһ тәрәфиндән ваҹиб бујурулан бир әмәлдир. Гурани Кәримдә дә буна ашкар сүрәтдә ишарә едән ајәләр вардыр...”
Ислам Алими даһа сонра билдириб: “Гурани Кәримдә, Аллаһ Тәала Мүсәлманлары јалныз вәһдәтә дејил, һәтта онлары бир-бири илә белә мүбаһисә етмәкликдән чәкиндирәрәк бу ишин Ислам Үммәтинин дағылмасына сәбәб олаҹағыны билдириб...”
Гејд едәк ки, Ниҝерија “Ислами Вәһдәт Тәшкилаты” тәрәфиндән тәшкил олунан конфрансда, Ниҝеријада фәалијјәт ҝөстәрән мүхтәлиф Ислами фиргәләрин нүмајәндәләри јахындан иштирак етмишләр.
Диггәт: Хәбәрдән истифадә етдикдә мәнбәјә истинад лазымдыр
