Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, дүнән 27 ијун 2013 тарих, Шам вә Хофтән намазларындан сонра, Мүгәддәс Гум шәһәри, Ханым Мәсумәнин (сәламуллаһи әлејһа) Һәрәминдә, Әзәм Мәсҹидиндә Шәһид Әлламә Шәһатә Тәглид Мәрҹәләри, үләмалар вә диндар әһали тәрәфиндән јад едиләрәк руһуна дуалар охунду...
Үмумдүнја Әһли-Бејт (әлејһимус сәлам) Ассамблејасы вә Гум Елми Һөвзәси тәрәфиндән тәшкил олунан мәрасимдә Ајәтуллаһ Сејјид Әһмәд Хатәми ҹәнаблары нитг сөјләјибләр...
Ајәтуллаһ Сејјид Әһмәд Хатәми чыхышында, баш вермиш һадисәни мүхтәлиф ҹәһәтләрдән тәһлил едәрәк, вәһабиләрин Кәрбалада төрәтдикләри ҹинајәтләри хатырладыб...
Ҹәнаб Хатәми даһа сонра Мисирдә баш верән фаҹиәнин әсас амилләрини үч гисмә бөләрәк билдириб: “Фаҹиәнин илк амилләри вәһаби әфкарынын тәсиринә ҝирән садәлөвһ инсанлардыр ки, он илләрлә јүрүдүлән јанлыш тәблиғатлар васитәси илә, вәһаби идеолоҝијасынын тәһти-тәсиринә дүшүбләр... Дәһшәтли һадисәнин әсас икинҹи амилләри, хаин вәһаби мүфтиләридир. О, хаин мүфтиләр ки, инсан өлүмүнә фәтва вермәклик онлар үчүн су ичмәли гәдәр асан бир ишдир! Амма бир һалда ки, Гурани Кәрим Ниса сүрәсинин 94 ајәсиндә бујурур: “...Сизә мүсәлман олдуғуну билдирән (салам верән) бир кимсәјә дүнја һәјатынын пуч мәнфәәтинә тамаһланараг: “Сән мөмин дејилсән!” демәјин!...” – дејә бујурур... Үчүнҹү әсас амил Америка вә сионист гүввәләридир. Бүтүн бу ојунлар онлар тәрәфиндән идарә олунур. Онлар Ислам Ојанышынын гаршысыны алмаг мәгсәди илә, “Радикал Ислам”, “Адам Өлдүрән Ислам”, “Вәһши Ислам” вә “Либирал Ислам”ын тәблиғ вә јајылмасына ҹәһд ҝөстәрирләр. Дүнјада терроризими һимајә едән дә мәһз АБШ режимидир. Кимсә бу һаггда шәкк етмәсин. Буна сүбут үчүн, АБШ тәрәфиндән, он минләрлә ҝүнаһсыз инсанларын ганыны төкән Талибан фиргәсинин рәсми нүмајәндәлијинин Гәтәрдә ачылмасы вә Әфганыстан һөкүмәтини Талибаны рәсми сүрәтдә танымаға мәҹбур етмәсидир...”
Ајәтуллаһ Хатәми сонда сүнни алимләринә мүраҹиәт едәрәк билдирд: “Биз сизләрә өз тәшәккүрүмүзү билдиририк ки, ҹәнаб Һиҹр Ибни Удејј Кәндинин гәбри, вәһабиләр тәрәфиндән дағыдылараг ачылдығы заман, мејдана атылыб бу мәнфур иши мәһкум етдиниз вә Исламда гәбрин ачылмасыны бөјүк ҝүнаһлардан бири олдуғуну сөјләдиз. Мисирдә баш верән һадисәдә дә, өз етиразларынызы билдирдиз... Мәлумдур ки, бүтүн бу һадисәләр вәһаби-тәкфирчи мәфкүрәсинин нәтиҹәләридир. Бир аз шүҹаәтли олун вә әсас амиллә мүбаризәјә башлајын. Неҹә ки, Шиә алимләри шүҹаәт тапараг инҝилсләр тәрәфиндән иҹад едилән муздлу “Бәһаијјәт” фиргәсини Кафир, Нәҹис вә Исламдан узаг бир үнсүр олдуғуну билдирдиләр. Биз ҝөзләримизи овушдурараг Ислам сајтларыны изләјирик ки, бир ҝүн сүнни алимләринин шүҹаәт тапараг “тәкфирчи вәһаби үнсүрләринин Ислам Дини илә һеч бир әлагәси јохдур” дејәҹәкләринин шаһиди олаг... Бизим бу умаҹағымыз вар... Онлар Ислам Динин тәхриб едибләр. Әһли-сүннәти дә тәхриб етмәк истәјирләр. Исламын дадына чатын, сајгы бәсләдијиниз мәзһәбин дадына чатын...”
Диггәт: Хәбәрдән истифадә етдикдә мәнбәјә истинад лазымдыр
