Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Һиҹри гәмәри тарихи илә, 43-ҹү ил Шәбан ајынын 11, милади тарихинин 2013, ијун ајынын 20-нә тәсадүф едән ҝүн, Имам Һүсејн ибни Әлинин (әлејһимәс сәлам) назәнин оғлу һәзрәт Әли Әкбәрин тәвәллүд ҝүнүдүр.
Биз АБНА олараг дүнја Мүсәлманларынын бу севинҹинә гошулур вә бәнзәрсиз бајрам мүнасибәти илә башда Имам Заман (Аллаһ Тәала онун шәрәфли ҝәлишини тезләшдирсин) Һәзрәтләри вә онун һагг наиби Имам Хаменеи ҹәнаблары олмагла бүтүн бәшәријјәти сәмими гәлбдән тәбрик едирик. Бир даһа бајрамыныз мүбарәк!
Һәзрәти Әли Әкбәрин (әлејһис сәлам) һәјаты барәдә гыса мәлумат.
Һәзрәт Әли Әкбәрин һөрмәтли атасы Имам Һүсејн (әлејһис сәлам), мөһтәрәм анасы Ханым Лејла бинти Әби Мәррә ибн Урвә ибн Мәсуд Сәгәфидир (Мухтар Сәгәфинин (әлеји рәһмә) тајфасындандыр).
Һәзрәти әли Әкбәр (әлејһис сәлам), ҝөзәллик вә шүҹаәтдә, әхлаг вә хошрәфтарлыгда, чеһрә вә гәд-гамәтдә, һәмчинин данышыг тәрзиндә һаммыдан артыг әзиз Ислам Пејғәмбәринә (сәлләллаһу әлејһи вә алиһ) охшајырды.
Әли Әкбәр ҹәнаблары (әлејһис сәлам) Имам Һүсејнин (әлејһис сәлам) бөјүк оғлу иди. Бу һаггда Имам Зејнул Абидиндән (әлејһис сәлам) белә бир рәвајәт нәгл олуинур: “...كان لي اخ يقال له عليّ اكبر منّي قتله الناس- Мәним, мәндән бөјук, Әли Әкбәр адлы гардашым вар иди ки, бу инсанлар ону гәтлә јетирдиләр... ”
Әли Әкбәр ҹәнаблары Кәрбала фаҹиәсиндә Бәни Һашим тајфасындан илк, шәһид олан шәхсдир... Онун барәсиндә Шәһидләрин зијарәтнамәсиндә белә бир мисра ҝәлиб: “.السَّلامُ عليكَ يا اوّل قتيل مِن نَسل خَيْر سليل- Сәлам олсун сәнә Еј гылынҹларыны ән ҝөзәл сүрәтдә гынындан чыхардан нәслин илк Шәһиди.”
Һәзрәти Әли Әкбәр (әлејһис сәлам) Ашура ҝүнү ики мәрһәләдә, Өмәр ибн Сәдин 31 мин гошунундан 200 нәфәри ҹәһәннәмә васил етди... Сонда Аллаһын ләнәтинә ҝәлмиш Мумәррә ибн Мунгәз Әбди, һәзрәтин башына гылынҹ зәрбәси ендирәрәк, ону ағыр јаралады. Бу һаләти ҝөрән дүшмән гүввәләри, өзләриндә ҹүрәт тапараг һәрә бир тәрәфдән Әли Әкбәр ҹәнабларына һүҹум чәкәрәк, гылынҹ вә низәләр илә һәзрәтин бәдәнини тикә-тикә етдиләр...
Имам Һүсејн (әлејһис сәлам) Әли Әкбәрин Шәһадәт хәбәрин ешитдикдә гәмм вә гүссә ичинә батды... Имам оғлу Әли Әкбәрин ганлы башыны гуҹағына алдыгда исә, бу кәламы сөјләди: “ولدي علي عَلَي الدّنيا بعدك العفا – Оғлум! Әлиҹан! Сәнин өлүмүндән сонра оф олсун бу дүнјаја...” (Әла сәјәлләмул ләзинә зәләму әјјә мунгәләбин сәјәнгәлибун)
Диггәт: Хәбәрдән истифадә етдикдә мәнбәјә истинад лазымдыр
