Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән диндар Наһид Гәһрәмановун вәкили Бәхтијар Һаҹыјев ачыглама верәрәк билдириб: “Мүвәккилим Наһид Гәһрәманов Нәриманов Рајон Полис бөлмәсинин мүвәггәти сахлама тәҹридханасында сахланылыр”
Диндарын 5 октјабр 2012-ҹи илдә Тәһсил Назирлијинин гаршысында кечирилән "Һиҹаба азадлыг" аксијасында иштиракына ҝөрә сахланылдығы билдирилиб.
Наһид Гәһрәманова Ҹинајәт Мәҹәлләсинин 233-ҹү маддәси илә ҹинајәт иши ачылаҹағы еһтимал олунур.
Бәхтијар Һаҹыјев билдириб ки, Наһид Гәһрәмановун ишинә ијун ајынын 7-си Сәбајел рајон мәһкәмәсиндә бахылаҹаг.
Диндарын јахынлары Исламазери.аз-а билдириб ки, Наһид Гәһрәманов Бакынын Фатмаји кәндиндән гајыдаркән ҝөрүб ки, евинин 300 метр кәнарында хариҹи машын дајаныб. Ону изләдикләрини һисс едиб. Ушагларыны евдән ҝөтүрүб апарыб бахчаја гојуб. Јенидән евә гајыдыб. Онун далынҹа изләјибләр. Јенидән шәһәрә гајыданда сахлајыб Бакы Шәһәр Прокрорлуғуна апарыблар. Ахшама кими орада сахланыб. Даһа сонра Нәриманов полис бөлмәсинә апарыблар.
Гәһрәманов Наһид Нәсиб оғлу 1979 тәвәллүдлүдүр.
Диггәт: Хәбәрдән истифадә етдикдә мәнбәјә истинад лазымдыр
