Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән политолог Зәрдүшт Әлизадә әслән азәрбајҹанлы олдуғуну билдирән террорчуларын Суријадакы мүһарибә үчүн Азәрбајҹаны “ҹиһад”а сәсләмәсинә етираз етди.Бир нечә ҝүн бундан әввәл ”Јоутубе” видео пајлашым шәбәкәсиндә әслән азәрбајҹанлы олдуғуну билдирән террорчулар Суријадакы мүһарибә илә бағлы Азәрбајҹана чағырышлар едиб. Политолог Зәрдүшт Әлизадә Азадхебер.нет интернет гәзетинә бу һадисәләрә ајдынлыг ҝәтирди:
“Биздә бир мәсәл вар. Дејир ҹәһәннәмә ҝедән өзүнә јолдаш ахтарыр. Демәли, Исраил Суријаны бомбалајыр, Әл-Гаидә вә бүтүн әрәб дүнјасындан террорчулар јығылараг ҝәлиб Гәрбин вә Гәрбин мүттәфигләринин пулу илә Сурија һөкумәтинә гаршы вурушурлар вә буну да ҹиһад адландырырлар. Бәс, әҝәр мүсәлман торпагларыны ишғал едәнләрә гаршы мүһарибә ҹиһад сајыларса, мүсәлман һөкүмәтинә гаршы мүбаризә дә ҹиһаддыр? Јәни, әҝәр ҹиһаддырса азәрбајҹанлы исламчылар зәһмәт чәкиб Гарабағда ҹиһад етсинләр. Мән анламырам бу ҹиһады… Ҹиһада ҝөрә пул вермәзләр. Мән һесаб едирәм ки, мүсәлман дүнјасында ән мүртәҹе вә ән антидемократик ики гурулуш вар. Бири Сәудијјәдир, диҝәри исә Гатар. Икиси дә, Гәрбин ән јахын мүттәфигидир. Онлар да әҝәр ҹиһада чағырырларса, мән артыг бу ҹиһада шүбһә илә јанашырам. Мәнә елә ҝәлир ки, азәрбајҹанлы исламчылар бу мәсәләјә гарышмамалыдырлар. Нәфсә гаршы ҹиһадла, әдаләт наминә ҹиһадла мәшғул олсунлар. Одур ки, әлинә силаһ ҝөтүрүб мүсәлман мүсәлманы гырмамалыдыр. Буна ҹиһад демәзләр.
Бу ҝүн Азәрбајҹандакы вәһабиләр һеч бир ҝүҹә малик дејилләр. Сајлары исә чох аздыр. Бармагла сајылаҹаг гәдәр аздылар. Онларын ҹәмијјәтдә бир о гәдәр дә нүфузу јохдур. Буна ҝөрә дә вәтәнпәрвәрлик руһуну өлдүрмәкдә онлар реал тәһлүкә дејилләр.”
Диггәт: Хәбәрдән истифадә етдикдә мәнбәјә истинад лазымдыр
