Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Сәуди Әрәбистан хәбәр порталлары аз өнҹә, сон хәбәр јајымлајараг елан едибләр: “Мәлик Әбдүл Әзиз адына Һава Лиманын салонуна дахил олан јүкмашыны гәза төрәдиб. Нәтиҹәдә 2 иранлы јараланмыш вә даһа 2 иранлы исә,һәјатларын итирмишләр”.
Мәлумата әсасән, Ҹәддә Һава Лиманына су танкерини дашыјан јүк машыны терминалын биринҹи мәртәбәсинә дахил олараг, Ҹәддә-Теһран авијарејсинин учағыны ҝөзләјән Иран Ислам Республикасынын вәтәндашларыны вуруб.
Һәҹдән верилән мәлумата ҝөрә, су танкерин дашыјан јүк машынын Ҹәддә Һава Лиманында Ҹәддә-Теһран авијарејсинин учағыны ҝөзләјән салона дахил олма сәбәби, машында јаранмыш техники гүсурдан ирәли ҝәлдији билдирилир.
Гејд едәк ки, һадисә заманы, Теһрандан олан 78 јашлы Пәри Әрфә вә 61 јашлы Зәһра Атәшзаји адлы ханымлар икиси дә дүнјаларын дәјишмиш, ханым Таһирә Шадкам вә аға Һади Рәиси исә, алдыглары ағыр јаралара ҝөрә, тәҹили олараг хәстаханада јерләшдирилибләр.
Диггәт: Хәбәрдән истифадә етдикдә мәнбәјә истинад лазымдыр
